Yacedkel 9:10 - NABUWWA KEE MALIKWA

¹⁰ Tonna-leemiik tahak wadir keenih maxuwaawa; keenih manacruura. Oson sinaamal baaheenim keenil baaheyyo» yok iyye.

Yacedkel 9:10 ပူးပေါင်းရင်းမြစ်များ

1 Malikwa 8:32

too waqdi, yi Dageltaw, qaraanak ken ankacisaay, cakki le num uybulluy. Qellat le numul celta digaala kaat abaay; qellat baahe wee num currih rub.

2 Aydaad 6:23

too waqdi, yi Dageltaw, qaraanak ken ankacisaay, cakki le num uybulluy. Qellat le numul celta digaala kaat abaay, qellat baahe wee num currih rub.

Yasaqya 13:18

Ta mari gayse kee gaysê-baxat furrayna qidele. Salaadah maracmataanaay qunxa urruh maxuwaawan.

Yasaqya 65:6

«Ken umaane yi garil tan; yi foocal tan; maktuubuk tan. Anu ahak, way tibba maxca. Ken abtol ken digaaleyyo. Keenih taguude digaalah digaale ken liyom digga.

Yacedkel 11:21

Takkay immay anu niqibyo duyyeh-qibaadah amok kate waa mara siinik digaaleyyo. Oson abba haan uma taamah ken digaaleyyo. Ahat yabtam yoo Mulki le YALLA› keenik inxic» yok iyye.

Yacedkel 16:43

Qunxuk ten saaku koo elle abbaxuk suge inna hawwenteh. Abteh tan uma taamak gexxaamah, naqbi yot hee. Tonna-leemiik abba hayte umaaneh akah diggalsinta innah kok abe. Abba hayte uma-taama koo maxiqinnay, wadir dalwa edde osisse. Tahat yabtam yoo YALLAY Mulki lehiyya» iyye.

Yacedkel 17:19

YALLAY Mulki lehiyya kaadu iyyeemih, «Waara Dagelta kinniyooh inni migaaqal xiibita'mmay, yi migaaqal abeh yan Yalla-kee-xagana makeemih sabbatah, kaa digaaleyyo.

Yacedkel 22:31

Tonna-leemiik, abeh an bagcarra keenil oobiseyyo. Abba heen umaanek gexxaamah, inni balat ken bayseyyo. Tahat yabtem yoo YALLAY Mulki lehiyya» iyye.

Yacedkel 23:49

Sin nammayat uble adbi-sinna kee xeet kee cooxuk bicsen duyyeh abak sugten qibaadah sin digaaleyyo. YALLAY Mulki lehiyya kinniyom too saaku yok aaxigetton› » iyye.

Yacedkel 24:14

Tahat yoo YALLAY Mulki lehiyya yaabeh an. Ahaysa gaba edde qidu waa wakti xayyooweh yan. Abta umaane abalih tibba kok maxca. Koh maxuwaawa. Abteemih diggalsimetto. Tahat yabtam yoo YALLAY Mulki lehiyya› » iyye.

Yacedkel 43:3

Woo waqdi wacyih ublem, Yalli Yarusalaam bayisa'gidih yemeete saaku ublem ceelak ten. Kabar deqsita weeqaytih garil uble wacyi kaadu, ta wacyi ceelak yen. Too waqdi gomboh baaxol rade.

Yacedkel 5:11

«Waara YALLAY Mulki lehiyya kinniyooh, tonna-kinnuk axceemih: gabat bicsen duyye kee caraamak tan taamat, Qibaadâ-Qari yok nadaasa abteeniih; tonna-leemiik anu kaadu darre siinit cabeyyooh; siinih maracmatay siinih maxuwaawa.

Yacedkel 7:3

«Israayil ummatey, sin ellecabo xayih! Abba hayten umaaneh cokmi siinil abeyyooh; liyoh an naqabu yok abletton. Ama qax-umaane le abtoy edde assa 'teenihiyya siinit macaba.

Yacedkel 7:4

Siinih maracmata. Siinih maxuwaawa. Abten qaybik tan abtoh sin digaaleyyo. YALLA kinniyom tonnal yok aaxigetton, keenik inxic» yok iyye.

Yacedkel 8:18

Tonna'mmay tahaysaay yi bagcarra le'nna ablelon. Keenih maracmataay maxuwaawa. Anay fayya haak yoo kallacaanamah keenik moggola» yok iyye.

Yacedkel 9:11

Too waqdi taaxige meqe sarot sartanah yan numuy kutbe elle aban duyye gabat lehiyya yuduureeh, «Yoo akah amrisseemik gaba kaleh» 'yaanam iyye.

Yacedkel 9:5

Sarrak kaadu taaxige-lica-numuk, «Isin magaalah addak usuk gexinnaan ikke kaa'lih gexaay kulli num qida. Numuh maracmatina; numuh manacruurina.

Hosiqa 9:7

«Digaala siinit edde takku wayta uddur xayyooweh. Too saaku siinih taguude digaala siinit akkele. Sin garil nabi duquruuy; Yallih wacyi elle oobe num cissit ane waa numuh tablen. Kaxxa dambit asseenimih sabbatah, nabi kaxxam niqibton.

Ayyuqel 3:4

YALLI kaadu iyyeemih, «Suur kee Sayda kee *Filistiin maraw, maca yok abtaanam faxxan? Siinil baaheemih caneh yol gacissaanam faxxaanam maay liton? Faxxeenik, yi mogoy tammoysetton.

Zakariyya 11:6

Too waqdi yok iyyeemih, «Anu ahak wadir a baaxol enna 'ya marah maxuwaawaay, ken macata. Kulli num, garil kaak yan num akkeey, amol kaak yan amoytih gabal hee akkeyyo. Too mari baaxo bayseleeh, anu kaadu woo baaxo baysoonay ken axceyyo. Tah intam yoo YALLA» iyye.