Yacedkel 8:3 - NABUWWA KEE MALIKWA

³ Gabah innal tanim yoo fanah ruubunteeh; amô-xagor yok tibbixe. Too waqdi suwaawur gurral, Yallih Roocaaniyya qaran fanah yoo teyyeeqeeh; Yarusalaamak kilbat le kabuk yamaaten waqdi, Yallih Qibaadah-Qarik adda akak culan afa yoo bahte. Tokkel gabat bicsen duyyey yallah loonuhiyya fanah yoo bahte. Yallih naqabu bahtem, too duyyek ten.

Yacedkel 8:3 ပူးပေါင်းရင်းမြစ်များ

1 Malikwa 18:12

Anu akkek gexa waqdiik, YALLIH *Roocaaniyya beyya koo hayteh, aaxige waan baaxol koo qiddek, maca abeyyo? Atu akkel tanim kaah warissa heeh akkel koo week, raba yol ackumele. Anu awkah en saakuuy a saaku fanah YALLIH qibaadat yan num kinniyo.

2 Malikwa 16:14

Dumaak YALLIH qibaadah qiden sadgatah heenih sugen aracay nacaasak bicseenihiyya, YALLIH Qibaadah-Qarik foocal, qusba sadgat arac kee Qibaadâ-Qarik fanal gace. Sarrak tokkek kalla heeh, isih xise qusba aracak kilbat le kabut hee.

2 Malikwa 2:16

Sarrak iyyeenimii, «Cayla le kontomuy akkel yanihiyyak genxeh ku abbah yan num waginnu wayna. Yallih roocaaniyya beyya kaa hayteh qalek teenah amo akki kee, hinnay kaadu, golok teenah addal kaa qiddeh cabtam takkeh» kaak iyyen. Eliisaq, «Aleey magexina» keenik iyye.

2 Malikwa 21:7

Yallih Qibaadah-Qarih addal woo migaaqah Aseera deqsittaamay yaqbudeenihiyyah astah heeh suge gurmudda hee. Woo ceelo elle heem, YALLI Malik Dawud kee Suleemanak, «Yi qibaada kulli way elle takke'gidih, Israayil taban kee namma kedo elle tan rasuk inkih Yarusalaam addal doore araca» akak iyye aracak ten.

Ermiyaas 32:34

Yoo elle yaqbuden qarih addal, umâ-yabulih tan duyyey Yallih innah yaqbudeenihiyya heeniih, yi Qibaadah-Qari nadaasa aben.

Ermiyaas 7:30

« ‹Macaay inteenik, Yuudâ-mari umâ-yabulih tanim abe. Yoo elle yaqbuden yi Qibaadah-Qaril, umâ-yabulih tan duyyey yi aftok yaqbudeenihiyya heeniih, qari nadaasa yok aben. Tah intam yoo YALLA.

Yacedkel 1:1

Anu Buudi-baxa Yacedkel kinniyooh, soddomhaytô-sanatak fereyhaytoh alsak konoyhaytoh ayrot, Baabeloonul Kabar-weeqaytuk xaqut, Yuudâ-maray seewah beenihiyya lih an waqdi, qaran fakkimma 'yeeh; too waqdi Yallih wacyi yol oobe. Too wacyi elle ublem, Baabelon rasuk Kabar weeqaytu deqsita aracih garik ten.

Yacedkel 10:3

Usuk addah cule waqdi, galwa-lem Yallih Qibaadah Qarik gabbi kabuk soolak ten. Too waqdi Qibaadâ-Qarik adda le kabu raaqa daarat qamburre bulte.

Yacedkel 11:1

Yallih *Roocaaniyya baaxok ugussa yoo hayteh, ayrô-mawqa le kabut raqta YALLIH Qibaadah-Qarih culma fanah yoo bahte. Tokkel culmak xaqul labaatanna kee koona num uble. Too labaatanna kee konooyut Qaddúr-Yaadanya kee Banaayá-Falatya deqsitta abbobti yan mari edde yen.

Yacedkel 11:24

Sarrak Yallih Roocaaniyya ukkuqqa yoo hayteh, Baabeloonuy seewah yoo elle yabbixeenihiyya fanah yoo bahte. Toh, suwaawur gurrah ubleeh; Baabelon gufek wadir abaluk maraaqinniyo.

Yacedkel 2:9

Too waqdi yoo fanah fakimit tan gaba ruubah ubleeh; too gabah addat kutbe elle tan arabay xambabbaqut yani uble.

Yacedkel 3:12

Tohuk gaba kale waqdi, Yallih Roocaaniyya ukkuqqa yoo hayteh yoo beyteeh; too waqdi darre le kabuk, «Yalli elle yan qaraanal, nabna kaak kulsa le; kaa faylisa» inta xongolo oobbe.

Yacedkel 3:14

YALLIH qande maqar luk xagarat yok culte. Yallih Roocaaniyya yoo tukkuqe waqdi, tu'naqabu kee bagcarra xagarat yok culte.

Yacedkel 37:1

YALLIH gaba xagaral yok gacteeh, isi Roocaaniyyat beyya yoo heeh, golok gudel daffessa yoo hee. Woo goloh addal mango lafoofi ten.

Yacedkel 40:2

Yalli isi wacyih Israayil rasu fan yoo beeh, Yarusalaam magaalal tan kaxxa qaleh amol yoo hee. Too qalek gabbi-qaxat magaalah innal xissinte qarwa uble.

Yacedkel 43:5

Too waqdi Yallih *Roocaaniyya ukkuqqa yoo hayteeh, adda le kabu raaqa daarat fan yoo culusse. Tokkel YALLIH nabna yaybulle nooriy inkih yan Qibaadah-Qari ifsahiyya uble.

Yacedkel 43:8

Malikwa isinni qarwa akak culan afa, yi qari fan akak culan afah xaqut heenih yaniiniih; tonnal ken kee yi fanat dibuk inki gidaarak sah tu masuginna. Tonnah abak yi migaaqay taahirik yanihiyya wassakoyseenih. Tohih sabbatah abeh an bagcarrat ken bayseh.

Yacedkel 5:11

«Waara YALLAY Mulki lehiyya kinniyooh, tonna-kinnuk axceemih: gabat bicsen duyye kee caraamak tan taamat, Qibaadâ-Qari yok nadaasa abteeniih; tonna-leemiik anu kaadu darre siinit cabeyyooh; siinih maracmatay siinih maxuwaawa.

Yacedkel 7:20

Duma yan saaku dahab kee lakqo kee luuluk mangom luk sugeenimih sabbatah, tohul kaxxam kaxxiinitak yeneeni'mmay, maca akak abeenih? Sarra woo duyyek yalla axcuk yaqbuden duyye bicsen; ableh-umam akak aben. Tohuk gexxaamah anu too duyye caraamu keenil abeyyo» 'yaanam iyye.

Yacedkel 8:5

Too waqdi Yalli yok iyyeemih, «Bani-adantow, kilbat fanah wagga heey» yok iyye. Wagga hee waqdi Qibaadâ-Qarih culmeynak garil, sadgat elle aban aracak xaqut, too xeet kee cooxuk bicsen duyyey Yalli niqbahiyya uble.

Yacedkel 9:2

Tonna luk Yallih Qibaadah-Qarik kilbat le kabut raqta kaxxa afay akak culaanahiyyak lica numuy silac gabat le culah uble. Ken lih *baftak bicsen meqe sarot sartanah yan numuy kutbe elle aban duyye gabat lehiyya uble. Amma 'yeeniih, nacaasak bicsen sadgat elle aban aracih garil soolen.

Daaniyel 10:10

Sarrak gaba yoo tibbixeeh gulub kee gabah yoo cabte. Too waqdi axaxitak suge.

Daaniyel 10:18

«Sahdayti ceelo luk yen malaykatti kaadu qagisak gabah yoo xageh, too waqdi xagar yok qande baahe.

Daaniyel 5:5

Oson tohut yanin waqdi, garciik kay qarih gidaarih bagul, sahdayti gaba tumbulleeh; woo gaba gidaarak noorâ-bagul axcih faanus elle ifisak suge aracal aktubih yublen. Malik too gaba aktubih yuble waqdi,

Yoosuwa 24:19

Yoosuwa keenil gacseemih, «Toh meqeh immay, YALLA taqbudeenim gibdi. YALLI *kudduusuk yan Yallaay; Yalla akke sinnim Yalla axcuk kaat missoosaanam maqansiisa. Kaa cinna hayteenih dambit asa mara takkoonu waan waqdi, usuk toh siinit macaba.