Yacedkel 8:14 - NABUWWA KEE MALIKWA

¹⁴ Toh inxicca 'yeh, YALLIH Qibaadah Qarik kilbat le kabut raqta culma fanah yoo bee. Tokkel Tammud akak iyyaanamay yallah loonuhiyyah weeqa agabu uble.

Yacedkel 8:14 ပူးပေါင်းရင်းမြစ်များ

Yacedkel 11:12

Too waqdi anu YALLA kinniyooh; isin kaadu cuggaaneh siinik yan marih xinto kee abto katayak yi amri cinteenih, anu siinih hee xinto cabba hayteenim aaxigetton› keenik inxic» yok iyye.

Yacedkel 44:4

Sarrak woo num kilbat le kabut raqta afaak beyya yoo heeh, Qibaadâ-Qarih fooca fanah yoo baahe. Wagga hee waqdi, YALLIH nabna yaybulle nooriy inkih yan Qibaadah-Qarik adda ifsahiyya uble. Too waqdi gomboh baaxok bagul rade.

Yacedkel 46:9

«Ummat Yallih qibaadah qiddi saaku Qibaadâ-Qari tamaate waqdi, too dooqak gaba kalla haan waqdi, kilbat le kabuk cule mari gabbi-qaxat af cabta afak yawqay. Gabbi qaxak cule mari kilbat le kabut af cabta afak yawqay. Akak culen afak awqe woonay, foocat tan afak yawqoonay.

Yacedkel 8:13

Yalli kaadu qagseh yok iyyeemih, «Uxih ahak gactam abah ken abletto» iyye.

Yacedkel 8:15

Too waqdi Yalli yok iyyeemih, «Bani-adantow, ama'kkel yakke umâ-yabuli maay tablee? Ahak sarra kaadu amahak gactam abletto» yok iyye.