Yacedkel 7:23 - NABUWWA KEE MALIKWA

²³ «Baaxol titta qida mari yemeggeh; magaalal umaane aba mari caddo cabelek, silsilatwa bicis.

Yacedkel 7:23 ပူးပေါင်းရင်းမြစ်များ

2 Malikwa 21:16

Manasse, Yuudah-ummatta Yallih-gita cabba hayteh YALLAL dambi lem baahaanamat asise. Too dambik kalah kaadu ossotinah, Yarusalaam-gitittel qabal weeqi innah caxitam fan mango masaakiinay tu baahe wayte qide.

Yasaqya 1:15

Dooqah kulli way gaba fayya haytaanamah gaboobi siinik qabalat tutlukeh tani'kkal, siinik moggolaay racmatta le intih sin mabla.

Yasaqya 59:3

Diraabat yabtaanaah, kullim dirkih abtaanaah, qabal gabal siinik yan. Toh inkih qellatay isin abtaana.

Yasaqya 59:7

Tu baahe wee mara sissikuk qiddaanah, bagi siinik xuwaw mali. Umaanek sa tu mamalissaanaah, elle gexinnaan ikkel baaxo abur kee baatî-gadda abteenih cabtan.

Ermiyaas 2:34

Xagarat liton sartan tu-maleela kee umaane sinni marih qabalat isinnik bayisseenim matablan. Masaakiina akke waytek, umeynitil bahtaanam manton. Tonna'mmay ta axxul le umaanet taniiniih,

Ermiyaas 22:17

koh tu gactek, liyom yoo duddah iyya num hinnitooy, marin im dulmih beytaah, dambi-maleelâ-qabal foyyah caxxa. Isi mara tadlumeeh, keenit xukkuttaah, ken biyaktah.

Ermiyaas 40:1

Baabelon malikih qaskar abbah yen Nabudardan, Raama deqsita aracal Ermiyaas casbik ruubek sarra, YALLIH qangara Ermiyaasal obte. A num kaa elle yifdigem, Yarusalaam magaala kee Yuudâ-rasuk Baabelon-rasu fan seewah beyan maray silsilatat axawah yanihiyyah addat kaa yuble waqdik ten.

Ermiyaas 6:7

«Dori leek yamagge waqdi afak akah caxa'nnah, Israayil mari aba umaane emegga 'teh caddo cabteh caddok taturteh. Aban umaane kee baatiy sinaamat abaanahiyyah anay yol rada. Lakmisa mara kee mudduume mari yoh yambulle.

Ermiyaas 7:6

sin addal yan allî-marat xukkute wayteeniih, qayxiixa kee gubun adlume wayteeniih, elle tanin baaxol masaakiinâ-qabala caxe wayteeniih, xeet kee cooxuk bicsen duyyeh-qibaaday baati siinih xaltu waytahiyyak raqteenik,

Yacedkel 11:6

A magaalah addal mango mara qiddeeniih; isin qidden marih raysi magaalâ gitittel kibuk yan.

Yacedkel 12:19

Taham Israayil maray away isi baaxol yanihiyyat takku waytaamih ceelallo takke'gidih ab. Israayil mari yaaqubeeh yakme waqdi meysih axaxitele. Sahdah cakkiy yaaxigeenihiyya maloonuuy; edde yaniinim kulli way baatili kinnuk, oson elle yanin baaxo suge wayteh innah gacele.

Yacedkel 18:12

masaakiina yudlumeeh, sahda buubeeh, abuuduh tu kaak bee num damaanatah kaal cabem gacse weeh, gabat bicsen duyyey Yalla 'yeenih yaqbudeenihiyyah qibaadah heen arooca gexeeh, duyye yuqbudeeh,

Yacedkel 22:13

«Yarusalaamey, sahdat abta bukko kee qidiyyah abeh an naqabuk gexxaamah, gaba kol heeyyo.

Yacedkel 22:27

Israayil abbobti, barugi amol tongoorowe suulay mariiy kabuk akak yakmeh innah abitan. Gita maleh gaddalitaanamih fayxih sahda qidan.

Yacedkel 22:9

Yarusalaamey, ku addal yan marak garab, sahda qidsiisa'gidih diraabat yaaba. Marak garab kaadu xeet kee cooxuk bicsen duyyeh sadgatah qiden saqih cado yakmen. Marak garab dalwah abtot agxita.

Yacedkel 45:9

YALLAY Mulki lehiyya iyyeemih, «Israayil abbobtiy, isin mango dambit assen. Ahaysa sinaamal baatil baahaanam kee xukkutaanam cabtaanama. Cakki kee qadlih tanim aba. Tahak wadir yi mara le baaxok ayyaaqe waytaanama. Tahat sin lih yabtam yoo YALLAY Mulki lehiyya.

Yacedkel 8:16

Sarrak Qibaadâ-Qarik adda le kabut raaqa daarat fanah yoo bee. Tokkel, YALLIH Qibaadah-Qarih adda akak culan culma kee sadgat elle aban aracak fanal, labaatanna kee koona num yen. Too labaatanna kee koona numuu, qibaada qarit darre cabak, ayrô-mawqa fan qununnu 'yeh, tawqeh tan ayro aqbuduk yenen.

Yacedkel 8:17

Too waqdi Yalli yok iyyeemih, «Bani-adantow, tamah table koo hinna! Yuudâ-mari tama'kkel abah yan umam-yabuli tableh tanik, ah celtam kinnii? Kulli waqdi qamalliinok aade waanaah; anu anqibinnaanim abaanam celtam kinnii? A diini-maleela gacak gactam elle aban inna maay tablee?

Yacedkel 9:9

YALLI too waqdi yok iyyeemih, «Israayil kee Yuudâ-mari kaxxam gibdi dambi baaheeh; rasul ummat annaak qidaanam baaheeh; Yarusalaam baatilik dabaq aben. Yi giddinaamak, ‹YALLI ahaysa ni baaxo cabeh ikkal, nee mayabla› iyyan.

Hosiqa 4:2

Xagana akah culeenim maduudusan. Diraabat yaaban. Sahda qidan. Garqa abaanah dalwat asan. Biili biiluk yembeggeh. Sahda kulli ayro titta qidak assa.

Miika 2:2

Marin buqreh baaxo isinnih faxxan waqdi, le marak bukkoh beytan. Marin qarwa faxxan waqdi bukkoh beytan. Sinaamat xukkutak, midir kee ikoyta caylah keenik beytan» iyye.

Miika 7:2

Baaxô-bagul yaaminen num maraaqinna. Yallal imaan haa num mayana. Num numtin qidimih raarisa. Kulli num isi baaxoh numuh alluwwah innah admoh gexa.

Naacum 3:10

Toh teetih xiqtem maliiy; ellecabol too magaalah mara seewah marin baaxo been. Tet xaylo xaal tafaqqa heenih, baaxot qiden. Teetil abbobtih suge mara silsilatat axuyya heenih beeniih, ken seewah bee mari saami caxxa keenil qide.