Yacedkel 7:19 - NABUWWA KEE MALIKWA

¹⁹ Luk sugen dahab kee lakqo guddaafah innah qidelon. Anu bagcarrita saaku, ken lakqo kee dahab yi bagcarrak ken macatta. Dahab kee lakqo faxaanam keenih maduudussa; qululuk ken macatta. Dumaak dambit ken asissem, tama dahab kee lakqo.

Yacedkel 7:19 ပူးပေါင်းရင်းမြစ်များ

2 Malikwa 7:15

Too waqdi too mari Ordon weeqaytuh amma 'yaanam gexeeniih; elle gexxa 'yeenimil, Suuriyah mari kude waqdi qideh cabe sartan kee duyyeeya yublen. Sarrak yuduureeniih, tohim malikih warsen.

Yasaqya 2:20

Too ayro dahab kee lakqok bicsen duyyey yalla 'yeenih aqbuduk sugeenihiyya baaxot qideloonuuh; woo duyye elle qiden arac gablâ-kimbir kee hantuuti-dabqi akkele.

Yasaqya 30:22

Dahab kee lakqo bagul akak hayten duyyey aqbuduk sugteenihiyya beyya hayteenih, guddaafa elle qidan gurrah baaxot qidettoonuuh, foocak nek kala 'yaanam axcetton.

Yasaqya 55:2

Sin cayise waytaamat lakqo macah finqissan? Satqat akak raqtoonu waytaanamat geytan duyye mabaysina. Yi yab oobbeyaay anu siinik axcem aba; tonnal kulliimik tayse maaqoy niya siinik ruffu edde inta geetton.

Yacedkel 13:5

Tiddigille gidaarwa siinih madacrisaanaay; woo gidaarwa nammeyhaak maxisan. Yallih-carbi siinit yakku waa saaku, kalalu siinih mayakkan.

Yacedkel 14:7

«Israayil marak numuk teena takku, hinnay kaadu ken addat yan allî-baaxoh marak numuk teeni yoo cabba heeh, isi kalbit gabat bicsen duyyeh qibaadat yufkuneeh, too duyyey dambi lem xalta isi misinkacal hayyaay, wadir nabil fayuh yemeetek, yooy YALLAH yani, tohul kaal gacisu waam innih kaa aybulleeyyo.

Yacedkel 30:3

Intaamah, ‹Umaane edde takke ayro xayih. YALLIH abto edde tamballayu wayta ayro xayih; baadal tan ummatta gadaama edde tabbaxu waytaah, qamburre baaxo edde buultu wayta ayro xayih.

Yacedkel 44:12

Takkay immay yi qibaada cabba heenih xeet kee cooxuk bicsen duyyeh qibaadat gaceeniih, sahda dambit asisen. Tohuk gexxaamah, yoo YALLAY Mulki lehiyya xiibita'mmay, tahamah ken digaaleyyo.

Xafanya 1:18

Too ayro bagcarriteyyo'mmay, yi bagcarrak oson lon dahab kee lakqo ken mawadda. Inkih tan baaxo yi naqabuh obtu wayta girat cararele. Anu num cabe'kal, garciik addunya bayseyyo» 'yaanam iyye.

Xafanya 1:3

Alak Adam-baxaay alaakulleyti yenek, qaraanal haada kimbir yenek, hinnay kaadu kullum yenek, inkih bayseyyo. Makri-leela deerik afah korseyyo. Bani-adantu saabo cabsiiseyyo. Tahat yabtam yoo YALLA» iyye.