Yacedkel 7:18 - NABUWWA KEE MALIKWA

¹⁸ Sartanah *qabuudut gaceloonuuh; inkih yan xagar meysih keenik axaxitele. Amo keenik mooleloonuuh; yakkeenimik inkih qawratak radelon.

Yacedkel 7:18 ပူးပေါင်းရင်းမြစ်များ

Yasaqya 3:24

Qatri suruy ruubak elle yenen ikkel, xagar keenik abcele. Bagul luk yenen caleytih aftok, qax-umaane le akoota bagul heelon. Qax-meqe amô-xagooruy luk yeneenik, moolah raaqelon. Xagaral luk yenen qax-meqe sarih aftok, *qabuudut gacelon. Luk sugen qax-maqaaneh aftok, qax-umaaneh wacarriyelon.

Ermiyaas 3:25

Nee kee ni kaxxa abbobti, YALLAY ni Dageltah yanihiyyah amri dumaak cinak sugne. Qunxaanek xabba haanamaay a saakuh amma 'yaanam, YALLAY ni Dageltah yanihiyyal dambi lem bahne. Abne qaybi nee yabbaxay; edde asne qaybi, sartan gurrah, xagar nek buulay› 'yaanam axcih oobbe» iyye.

Ermiyaas 48:37

Yakkeenimik amo kee deben isinnik mooleenih, xagar kaadu isinnik toobiyeeniih, sartanah *qabuudut gacen.

Ermiyaas 6:25

Barri genxu manalliila; gitittel ibah genxam kaadu manalliila. Macaay inteenik, ni naqboytit silac leeh, kulli ikkel nee meysiisaanaah marot nee yabbixen» iyyen.

Ermiyaas 6:26

YALLI isi marak iyyeemihii: «*Qabuudut gacaay gombod bagul ubruka. Sin bayisu waa num garciik siinit yemeeteh immay, inki baxay luk sugeenihiyya akak rabe xaleena elle weqta'nnal, weeqaay rookita» iyye.

Yacedkel 27:31

Kot tekkeemih rookah, amo isinnik molla heenih sartanah qabudda haysiten. Kot tekkeemih kaxxam koh qaadelon.

Ayyuqel 1:13

Hay tonnal, isin seekay sadgat elle aban aracih foocal taamittahiyyak, *qabuudut gacca 'xicay rookita. YALLIH Qibaadah-Qarih addal inkih yan bar rookitak xiina. Ahaysa Yallih sadgatah baahak tenen daro kee kamri gaba kaleh.

Qaamus 8:10

Qaffaydah abak tenen farcatih aftok rookitetton. Saxxaq elle abak tenen ikkel, boogisetton. Dubuk lon baxi akak rabe xaleenah innah boogisettoonuuh, amo isinnik molla hayteenih *qabuudut sartanah gacetton. Too ayroh ellecabo mameqeey, qeero siinit aallele.