Yacedkel 7:14 - NABUWWA KEE MALIKWA

¹⁴ *Baantah anay radeleeh; too way kulli num bical gacele. Takkay immay yi naqbi kulli numul oobaamih sabbatah, carbih num magexa.

Yacedkel 7:14 ပူးပေါင်းရင်းမြစ်များ

Ermiyaas 12:12

Baaxo inkitanuuk bayisu waa mara ruubeyyo. Carbi keenit abu waa mara keenit ruubeyyo. Sinam buubu waa mari, gitah bakarroytah tan fayya le aroocaak gacak, wararah keenit amaatelon. Ahaysa amaan mageyan.

Ermiyaas 4:5

«Inkih yan rasul tan ummatta akah taabbe'nnah, Yuudâ-baaxol *baanta agura inxica. Xongolo fayya haay seeco aba; Yarusalaam kee Yuudâ-marak, ‹Titta fanah gacaay gaso maroh edde tan magaala fan kuda› inxica.

Ermiyaas 51:27

«Qaskarey, qeebi qimbissaanamih qalaamatih saro gubaak fayya haa! Baaxo inkih akah taabbe'nnah, *baanta ugura. Baabelon marih qeebih ummat bical haa! Araarat kee Minni kee Askanad doolatak, qeebi qimbisa inxica. Gaadu miraacisu waa gaadi abba haysita. Qeebih faarisik mangah qanayti gid takkem ruuba.

Ermiyaas 6:1

Benyam maraw, isillimaay amaan elle yan ikke gexa! Yarusalaam magaala cabay gexa. Kilbat le kabuk umaane temeeteeh; baati xayyowtek! Takooqâ-magaalal yan maraw, *baanta ugura. Asta siinih takke'gidih, Beet-Hakkarem deqsita aracal gira urusa.

Ermiyaas 6:11

YALLAW, atu keenit akah bagcarritta'nnal, anu kaadu keenit bagcarritah an. Inni abbaxu maduuda» exce. Toh exce waqdi YALLI yok iyyeemih, «Yi naqabu beyay giti-addal yan urru kee furrayna elle gaabowte aracal cax. Baqala kee barra too bagcarrah duufut gexeleeh, idoolay bar nabahiyya kinni way akak macattinta.

Ermiyaas 7:20

Tonna leemiik YALLAY Mulki lehiyya iyyaamah, «Ta Qibaadah Qariy oson kaxxam edde yakkaleenihiyyal inni naqabu oobiseyyo. Yi naqbi tohut mayaadiyay, ummatta kee alak-alaakulleytal kaadu oobele. Coox kee tooboke daroh agantah elle oobele. Yi naqbi giray sahdayti barguse waahiyya kinni» iyyah yan.