Yacedkel 6:9 - NABUWWA KEE MALIKWA

⁹ Seewah ken been baaxol anelon. Too saaku yoo kassa heelon. Too waqdi ken akah digaaleeh qaybik ken akah qidem, ken kalbiy gano lehiyya ubleeh, yoo cabba heenih xeet kee coox yaqbudeenim keenik ubleemih sabbat kinnim aaxigelon. Isinnih aben umaane kee, qaybik taniimiy edde sugeenihiyyak gexxaamah, isinni nabsi anqibelon.

Yacedkel 6:9 ပူးပေါင်းရင်းမြစ်များ

2 Malikwa 16:10

Tohuk lakal Malik Acad Damasko gexeeh, Tiglat-Fileeserit yongoorowe. Tokkel soolisen mansafay sadgat elle abaana yuble. Too waqdi sek Uriyya deqsita seekih farmo ruubeh, kaak iyyeemih, «Gexay hununuh tama'nnah yan sadgat elle yaceen arac bicisay sug» iyyeeh, isik naharat tohih ceelo kaal ruube.

Yasaqya 43:24

Yi sabbatah, sadgat rubtaana'gidih qaydarus xaamah sin maballiyo; saqa yi sadgatah maqiditinnitoonuuy, xayti-qeerisan-suruyuk yoo ruffa mahanniton. Toh hinna'mmay isin abtaanah-tanin-dambi yol quuka yekke. Qellatay edde taniini yol taqabi yekke.

Yasaqya 63:10

Keenih tu gactek, kay yab cineeniih kay Roocaaniyyay *kudduusuk tanihiyya qaadiseenih. Tonna leemiik YALLI naqboyta keenik yekkeeh, isih qeebi keenit abe.

Yasaqya 64:6

Nakkeemik caraamuk yan mara nekke. Abba hayna meqe taama nek inkih, abicih tan saroh innah tan. Abnah nan dambik gexxaamah laqaymumma 'yeh kafe ayyuufay caacayat gexah gidek nan.

Yasaqya 7:13

Tohuk gexxaamah Yasaqya kaak iyyeemih, «Malik Dawuduk rade maraw, yok oobbeya! Labhâ-sabri waysissaanam meqem maay takkalen? Hay yi Dageltih sabri waysissaanam maay faxxan?

Ermiyaas 3:13

Qellat lem bahteenim isinnik ixigaay, yooy YALLA kinnih sin Dageltah yanihiyyak amri cinteenim isinnik ixiga. Yi amri cinna hayteenih, silal allinnaan caxah gubal yi aftok duyye taqbuden. Toh qellat kinnim isinnik taaxigeenimi. Tahat yabtam yoo YALLA, keenik inxic› 'yaanam yok iyye» iyye.

Ermiyaas 3:6

Ermiyaas kaadu qagteh keenik iyyeemih, «Yoosiyaahu malikih yen saaku YALLI yok iyyemii, ‹Imaan maleelah yan Israayil mari abem tublem hinna? Yoo cabba heenih, qaleeli amo kee silal le cooxih gubal, xiiqareh-xiina abe wayta uma taama aben.

Ermiyaas 51:50

YALLI isi maray Baabeloonul yanik iyyeemih, «Rabak raaqe maraw, gexay isillima. Akkel maadayina. Isinni baaxok taxxeereenimih niyak yoo makalina. Yarusalaam kaadu mahawweenina.

Yacedkel 12:16

Ken yabbixu waa qeebi kee qulul kee dalkak dago mara keenik cateyyo. Toh akah abu waam, rabak raqte saabo duma abak sugeenim uma taama kinnim, fanat ken akah fixiixise marah warsaana'gidi. YALLA kinniyom too waqdi yok aaxigelon» yok iyye.

Yacedkel 16:43

Qunxuk ten saaku koo elle abbaxuk suge inna hawwenteh. Abteh tan uma taamak gexxaamah, naqbi yot hee. Tonna-leemiik abba hayte umaaneh akah diggalsinta innah kok abe. Abba hayte uma-taama koo maxiqinnay, wadir dalwa edde osisse. Tahat yabtam yoo YALLAY Mulki lehiyya» iyye.

Yacedkel 16:61

Kaxxa maqanxix kee qunxa maqanxix xayloh innal kol gacisu waa saaku, duma abtem kassa haak wacarriyetto. Duma haysinne bical exceh suge weemiiy, away kok axcem, ken ku xaylo abeyyom koh warsa.

Yacedkel 20:24

Toh akah abem, yi madqa cinak sugeeniih, yi amri maaqilak sugen. Sabti ayroy mataamitina keenik exce, taamitak sugen. Ken abbobti aqbuduk sugte xeet kee cooxuk bicsen duyyeh qibaadat gacen.

Yacedkel 20:28

Duma ken abbobtih cule xagana duudusa'gidih, woo ikoytah keenih aceeyyo exce baaxo fan ken bee. Takkay immay too baaxol qale able kee ayyuufa le caxa yablen waqdi, tokkel sadgat abaanam baahen. Qaydarus qeeriseeniih, qinabak bicsen kamri kaadu woo aroocal sadgatah baahen. Tonnah abak bagcarra yot culsen.

Yacedkel 20:43

Abba hayten umâ-yabuli, too saaku siinih ambulleele. Isinni nadaasa elle abten inni, too saaku siinih ambulleele. Abba hayten uma taama kassittoonu waytan waqdi, isinni nabsi inqibba heetton.

Yacedkel 20:7

ama xeet kee cooxuk bicsen duyyey taqbudeenihiyya wonnah baaxot qida› keenik exceeh; ‹Sin Dagelta yook, Masri mari yalla axcuk yaqbude duyye maqbudinaay nadaasa isinni maabina› keenik exce.

Yacedkel 23:30

Dalwa fayxi kee abteh tan xiiqareh xinto, amahah koo tecee. Kulli baaxoh mari tu edde faxa kacba tekkeeh; xeet kee cooxuk bicsen duyyeh qibaadat nadaasa is abte.

Yacedkel 5:13

«Siinil beyah an digaalak cayya axcem fanah, siinih abeh an naqabuh bala siinil oobisak sugeyyo. Tah siinit takku wayta saaku, yooy YALLAH yani yol bahten makoh sin inqibeeh yaabem aaxigetton.

Yacedkel 6:10

Anu YALLA kinniyom yok aaxigelon. Maabina keenik excem abeenik, ken bayisu duuda Dagelta kinniyom aaxaguk raaqelon» yok iyye.

Yacedkel 7:16

Marak garab goloh addal suge kimbiiriy qale fan gilitahiyyah innah, qale fan kudele. Kulli num isih abe dambih nadaamitele.

Hosiqa 11:8

Kaadu qagseh iyyeemih, «Israayil maraw, siinit darre cabam yoh mabicta. Siinit takkeemik tibba axcem yoh matakka. Adma deqsita aracak akah abe'nnah, sin maay baysoo? Xiboyimil baahem siinil maay baahoo? Toh baaham maduuday, kaxxam sin kiciyyo.

Qaamus 2:13

Tonna leemiik siinit aaqiteyyo. Yi digaalah, qari elle qilsa faras-gaari innah, araadaqisetton.

Miika 5:13

«Xeet kee cooxuk bicsen duyyey taqbudeenihiyya siinik bayseyyo. Xeetik bicsen qamidway yaqbudeenihiyya siinik bayseyyo. Ahak wadir isinni gabak bicissen duyye mataqbudan.

Zakariyya 10:9

Fixixih baadal tan ummat fanat ken ruuba way, elle yanin xer baaxol yoo kassitelon. Ken kee ken xaylo saaboh raaqeleeh, isinni baaxo titta lih aduurelon.