Yacedkel 6:10 - NABUWWA KEE MALIKWA

¹⁰ Anu YALLA kinniyom yok aaxigelon. Maabina keenik excem abeenik, ken bayisu duuda Dagelta kinniyom aaxaguk raaqelon» yok iyye.

Yacedkel 6:10 ပူးပေါင်းရင်းမြစ်များ

Ermiyaas 44:28

A carbik tasillimu waytaah Yuudâ-baaxo aleelittu waytam, dago mara. Tohuk wadir Yuudâ-marak saaboh raaqe mari, yi yab numma kinnim kee sin yab numma kinnim ablelon.

Yacedkel 12:25

Yoo YALLAY Mulki lehiyya abu waamat yaabeyyooh; inxicca excem muudurruttay akkele. Makoleelay, siinik abeyyo excem abeyyooh; isin addunyal anih, akah takke'nnah abeyyo. Tahat yabtam yoo YALLAY Mulki lehiyya› iyye.

Yacedkel 22:14

Anu koo digaalu waa saaku gaba yot maay gacsetto? Tahat yabtam yoo YALLAY Mulki lehiyya; excem duudusa Dagelta kinniyo.

Yacedkel 5:13

«Siinil beyah an digaalak cayya axcem fanah, siinih abeh an naqabuh bala siinil oobisak sugeyyo. Tah siinit takku wayta saaku, yooy YALLAH yani yol bahten makoh sin inqibeeh yaabem aaxigetton.

Yacedkel 6:11

YALLAY Mulki lehiyya yok iyyeemih, «Israayil marah gamoomitaay keenih qaad. Israayil mari abe umaaneh kaxxa boogeh boogis. Carbi kee qulul kee dalkah ambaxelon.

Yacedkel 6:7

Sahda kulli ikkel keenik qidelon. Too waqdi YALLA kinniyom yok aaxigelon.

Yacedkel 6:9

Seewah ken been baaxol anelon. Too saaku yoo kassa heelon. Too waqdi ken akah digaaleeh qaybik ken akah qidem, ken kalbiy gano lehiyya ubleeh, yoo cabba heenih xeet kee coox yaqbudeenim keenik ubleemih sabbat kinnim aaxigelon. Isinnih aben umaane kee, qaybik taniimiy edde sugeenihiyyak gexxaamah, isinni nabsi anqibelon.

Daaniyel 9:12

Nee kee ni abbobtik abeyyo intem abteh. Yarusalaam magaala a addunyah bagul enna 'ta magaaloolik inkih digaalah lafteh.

Zakariyya 1:6

Nabuwway yi naqoosah tanihiyya lih yaabak, ‹Ama marak maabina inxicaay, yi yab macinina keenik inxica› axcuk suge'mmay, sin kaxxa abbobti tohut baaqid mahanna. Tohih sabbatah gibdi biyaakah biyaakiten. «Toh yublen waqdi sin kaxxa abbobti, ‹YALLAY Nabaamak Nabahiyya ascubuk sugem abeeh; akah iyye'nnal, nek uma-caalat kee uma taamay abnehiyyah nee digaale› axcuk, isinni dambik toobiteenih, 'yaanam keenik inxic» kaak iyye.