Yacedkel 5:13 - NABUWWA KEE MALIKWA

¹³ «Siinil beyah an digaalak cayya axcem fanah, siinih abeh an naqabuh bala siinil oobisak sugeyyo. Tah siinit takku wayta saaku, yooy YALLAH yani yol bahten makoh sin inqibeeh yaabem aaxigetton.

Yacedkel 5:13 ပူးပေါင်းရင်းမြစ်များ

Yasaqya 1:21

Duma Yallal teemene magaala a saaku xiiqareh xiinah caalat bahteh tan. Duma qadli le xintoh xiinak cakki-taamah taamita mari teetil yene'mmay, a saaku biileenit teetil raqte.

Yasaqya 1:24

Tonna'mmay YALLAY Nabaamak Nabahiyya, Israayil doore Dageltay Mulki le kinni. Kaay Goytah yani iyyam leh, «Yi naqboytiitey, ahaysa cane siinil gacseyyooh; tahak wadir taqabi yol matakkan.

Yasaqya 59:17

YALLI, qadaalat alil-dacayrî-birtih innah sarteeh, wadu birti-kalabtah innah haysiteeh, canê-gacsa sartan innah sarteeh, bagcarra raraytoh innah haysite.

Yasaqya 9:7

Kay abbootan osak oseleeh, ambaxe sinni amaan gacele. Dawud korsil gaceleeh, kay baaxol ellecaboh ayro fanah dardaarah anuk, qadli kee cakkih yan gitat xiinisele. Taham YALLAY Nabaamak Nabahiyya isi mara yaysiiseemih fayxi kee, keenih le kaxxa kacanuk akkele.

Ermiyaas 14:12

Soom kee dooqa abaanamah yol weeqaanamah, aban weeqa keenik moggola. Sadgatah cado akak carrisan saq qidaanamah, hinnay kaadu, dooqak keenih orobta'gidih daro yeceenimih, yi garil oggol keenik mali. Ken wadam hinnaay, carbi kee qulul kee dalkat ken seleyyo» 'yaanam yok iyye.

Ermiyaas 15:9

Xaylok malciin le inak malciin rabeleeh, is wariggah qawlele. Laqo bari bis teetil akkele. Sinam burutta barray kulli way niya akak baxaqta akkele. Rabak raaqu waa mara keenik carbi gadda abeyyo. Tahat yabtam yoo YALLA kinni» iyye.

Ermiyaas 25:12

« ‹Too malcina-tabanih sanat gaba kalla haa saaku, Baabelon malik kee kay baaxoh mara kee, Baabeloonuh yooboke marih rasuy tikka iyyahiyya inkih bayseyyo. Tonnah tanim keenil akah baahu waam, ken umaane. Tohuk wadir ken baaxo abuuruy num sinniih lac sinnihiyya akkeleeh, daayiman abuuruh raaqele.

Yacedkel 13:15

Gidaar kee gidaaral noora hee mari yi qande le'nna ablele. Too saaku, ‹Gidaar kee gidaaral noora hee mari gaba kaleh› siinik axceyyo.

Yacedkel 14:21

YALLAY Mulki lehiyya iyyaamah, «Yarusalaam mara kee ken midir edde baysa'gidih, inni kaxxa digaala keenil ruubeyyo. Carbiiy qululuuy alluwwa kee dalka keenit ruubeyyo.

Yacedkel 16:42

Tohuk lakal abah an bagcarrat xabbacooweyyooh; aysinu cabeyyooh; sahha axceyyo.

Yacedkel 17:21

A carbit kaak mango qaskaray agiirah tanihiyya edde rabele. Rabak raqtem kulli kabul fixixih gexele. Tahat yabtam yoo YALLA kinnim too saaku aaxigelon» iyye.

Yacedkel 20:21

«Takkay immay ken xaylo kaadu yi yab cinaanam bahte. Yi amri kee yi xintoy duuduse numuh waar teceehiyya cineenih. Sabti ayro nadaasa aben. Too saaku kaadu woo bacarih tan baaxol inni naqabu keenil oobiseh ken baysam faxe.

Yacedkel 20:8

Takkay immay yi yaabat carra mahannoonuuy; anu excem mankacisinnon. Qiday caba keenik exce gabat bicsen duyyey yaqbudeenihiyya macabinnon. Woo Masri marak kaxxih gabat bicsen duyye aqbuduk raaqeeniih, caba keenik exceemih macabinnon. Tonna-leemiik Masri elle yanin saakuuk yi naqbi le'nna ken aybulleem faxxa hee.

Yacedkel 21:17

Anu kaadu gaba aagureyyooh, naqabuk xamacca axceyyo. Tahat yabtam yoo YALLA» iyye.

Yacedkel 21:22

Migdi gabat Yarusalaam 'yaanamih asta elle tan gaysê-baxa heele. Too waqdi, ‹Tet gidaarwa edde taggalu wayta gutqeyna bicisaay, qeebil tirtirisu waa mara bical hayisa. Culmeyna edde taggalu wayta gutqeyna xayyoosa. Ballaaqe tittak bagul hayisak eded bicisa. Megdebih edde gacan boodo bicisa› 'yaanam axcele.

Yacedkel 23:25

Anu koo inqibeemih sabbatah, oson koo yinqibeenih faxem kok abitoonay axceyyo. San kee aytiita kok argiqelon. Seefit koo qidelon. Say-xaylo kee lab-xaylo kok seewah beeloonuuh, kok raqtem girat carriselon.

Yacedkel 24:13

Yarusalaamey, atu abte caraami nadaasa koo abe. Taahirik koo haam faxeh immay nadaasak taduuru cinteh. Ahaysa yi naqbi le'nna able'kal, nadaasak mataahirrowta.

Yacedkel 43:8

Malikwa isinni qarwa akak culan afa, yi qari fan akak culan afah xaqut heenih yaniiniih; tonnal ken kee yi fanat dibuk inki gidaarak sah tu masuginna. Tonnah abak yi migaaqay taahirik yanihiyya wassakoyseenih. Tohih sabbatah abeh an bagcarrat ken bayseh.

Yacedkel 6:10

Anu YALLA kinniyom yok aaxigelon. Maabina keenik excem abeenik, ken bayisu duuda Dagelta kinniyom aaxaguk raaqelon» yok iyye.

Yacedkel 6:12

Allal yan mari keenik dalkah ambaxele. Xayi'kkel yan mari carbit keenik ambaxele. Tohuk raqtem qululuh ambaxele. Tonnal yi naqbi le'nna ablelon.

Yacedkel 7:3

«Israayil ummatey, sin ellecabo xayih! Abba hayten umaaneh cokmi siinil abeyyooh; liyoh an naqabu yok abletton. Ama qax-umaane le abtoy edde assa 'teenihiyya siinit macaba.

Yacedkel 7:8

«Away xayi saakih addat yi naqbi siinil oobele. Abba hayten umaaneh sin digaaleyyo. Ama qax-umaane le abtoy edde assa 'teenihiyya siinit macaba.

Daaniyel 11:36

« ‹Suuriyah malik isih faxxa heem abak sugele. Yallitte akak inxicci 'yaanamak nabiyoh axcuk tirtirisele. Yallittek naba Dagelta kinni way, uma'nnal xaafele. Yalli kaa digaalla haam fan toh abak sugele'mmay, Yalli hununuh abeyyo inxicca 'yem abele.

Daaniyel 9:2

Usuk edde reede naharsi sanatat, anu taahirik tan kitooba akrayuk, Yarusalaam abuuruh edde raqtu waytaamay YALLI nabi Ermiyaas lih edde yaabeh sugehiyyah acsubuk suge. Abuuruh malcina-tabanih sanat sugtu waytam uble.

Hosiqa 10:10

Anu a dambileelal gaba qidam faxaah, ahaysa ken digaaleyyo. Doolatwa titta keenil geyya hayteh, abba heen mango umaaneh, seewah ken beelon.

Zakariyya 6:8

Sarrak malaykatti anay fayya haak yok iyyeemih, «Woo kilbat fan gexe faaris YALLIH naqabu xabbacooseh» yok iyye.