Yacedkel 48:28 - NABUWWA KEE MALIKWA

²⁸ Gaadah yeceen baaxoy gabbi qaxat raqtahiyyak cuduud Tamaarik xabba haanamaay Kaadis-Mariiba deqsita illaltah amma 'yaanam takkeeh, tokkek Masri cuduudul yan daqar gexxa 'yam kee Maditraaniyah badah amma 'yaanam takke.

Yacedkel 48:28 ပူးပေါင်းရင်းမြစ်များ

2 Aydaad 20:2

Farmoh sinam temeeteeh, Yacoosafatak iyyeenimih, «Kaxxam mango qaskar Edom baaxok Rabe badih tattabak gacca 'yeenih qeebi siinit abaana'gidih yemeeteenih yanin. Caxaxon-Tamaari deqsitta magaala gufeenih» kaak iyyen. Ta arac kaadu Qengeedi migaq luk suge.

Yasaqya 27:12

Too ayro YALLI, Furaatak xabba haanamaay Masri cuduudul yan daqaarah amma 'yaanam fan, Israayil ummat gaaboysele. Isi mara gaaboysele. Kamadik caffa elle baxsan innal, ken baxisak ken gaaboysele.

Yacedkel 47:10

Rabe Badak Qengeedi raceynak xabba haanamaay Qen-Qeglayim raceynah amma 'yaanam yakke badal, kullum yabbixe mari baddi-af macaba. Akke kullum mabbuuxuh yamaate mari sabooka elle hawwalisa ikke akkele. Kullum qaynatak Maditraaniyah badal enna 'ya qaynatih kullum akkele.

Yacedkel 47:15

«Kilbat le kabuk Maditraaniyah badak xabba haanamaay Cetlon deqsitta magaala kee Camat deqsita daabay gitah gacaanahiyya kee Xadad deqsitta magaalah amma 'yaanamaay