Yacedkel 48:13 - NABUWWA KEE MALIKWA

¹³ Gersi Leewih yooboke marah, seekak gabbi-qaxa raaqa aracak garil deesen baaxo keenih aaxigelon. Too arac ayrô-mawqak xabba haanamaay ayrô-culma fan taban kee namma kiilomitri kee garab yakkeeh; kilbat le qaxak xabba haanamaay gabbi-qaxa raqta baaxoh amma 'yaanam koona kiilomitri takke baaxo kinni.

Yacedkel 48:13 ပူးပေါင်းရင်းမြစ်များ

Yacedkel 45:3

YALLAH caban baaxok garabay taban kee namma kiilomitri kee garab xexxaarah yakkeeh koona kiilomitri baguh yakkehiyya dessoh heelon. Yallih Qibaadah-Qariy saytunaanah lafitta 'yahiyyah arac elle hoonu waanam tokke.

Yacedkel 45:5

YALLAH caban baaxok gersi garabay taban kee namma kiilomitri kee garab xexxaarah yakkeeh koona kiilomitri baguh yakkehiyya, Leewih yooboke maray Yallih Qibaadah-Qarih addal taamitahiyya ikoytah antacawwimele. Too mari dabaaqah elle gaca magaalooli tokkel xissiimele.

Yacedkel 48:12

Tohih sabbatah, ta marah tantacawwu waytam, inkih yayse aracay kulli aracak taahiriinoh fula luk raaqahiyya. Too arac ken kee Leewih fanal cuduuduh yen aracak ten.

Yacedkel 48:14

Yallah deesen arac, kulli aracak inkih fula le arac yakkem faxxinta. Too aracak exxa kurra heenih aylamme kee, hinnay kaadu, gersi aracat milaaguh ecee (libaakise) yakkeenim inkinnah umaama. Faxe num nagrah loowite kee xayloh nagre yakke arac hinna. Ta arac dibuk Yallah rikeek baxsah deesen arac kinnuk, num tu edde mali.