Yacedkel 47:18 - NABUWWA KEE MALIKWA

¹⁸ «Ayrô mawqa le kabu raaqa cuduud akak ugtam, kilbat qaxat raqta exxay Damasko kee Cawran fanal geytintahiyya. Toh kaadu, Ordon weeqaytuy ayrô culmak Israayil rasu kee ayrô mawqak Gilqad rasih fanal geytinta exxat raaqahiyya. Tokkeek, Tamaari deqsita aracay Rabe badih xaqul geytimahiyya gufa.

Yacedkel 47:18 ပူးပေါင်းရင်းမြစ်များ

Ermiyaas 50:19

Israayil mara le baaxoh gacseyyo. Ahak sarra ken laa Karmel kee Basan rasul aloolele. Efrayim kee Gilqad rasul taabuku wayta darok isinnih faxeenih gide akmelon.

Yacedkel 47:16

Beroota kee Sibrayim magaalah amma 'yaanam takke baaxo kenimi. Ta namma magaalooli elle geytintam, Damasko kee Camat doolatih cuduuduk fana. Tokkek xabba haanamaay Caxar-Hattikon deqsitta magaalah amma 'yaanam tan baaxo kenimi. Caxar-Hattikon elle geytintam, Cawran deqsita rakaakayih cuduudu.

Ayyuqel 2:20

Kilbatak yamaate naqboyta siinik waaseyyo. Too macaxuk garab bacarih tan baaxo fanah siinik xiiriyeyyo. Foocat yan macaxu Rabe Badat qideyyooh, salafti macaxu Maditraaniyah badat qideyyooh; barugi keenik baaxo abcisele. Macaxi gibdim siinil baaheemih sabbatah, anu ken bayseyyo» iyye.

Makaabon 10:8

Taban kee bacra sanatah, Amoorâ-baaxok Ordon weeqaytuk ayrô-mawqa le kabut raaqa Gilqad deqsita rakaakayal, tikki 'ya Israayil marat xukkuteeniih xakaake ken kalen.