Yacedkel 46:24 - NABUWWA KEE MALIKWA

²⁴ Woo num yok iyyeemih, «Amaham, Qibaadâ-Qarih addal Yallih taamat yan marah, ummat sadgatah bahta saqih cado elle alaysan araca» iyye.

Yacedkel 46:24 ပူးပေါင်းရင်းမြစ်များ

Yacedkel 44:11

Tohuk lakal Qibaadâ-Qarih afah taama kee Qibaadâ-Qarih addal tan gaba-taama aboonu duudaanaah; ummat sadgatah bahtah tan cado akak carrisan saq kee sadgatah baahan saq inkih qidaanam tu maliiy qibaadah temeete ummat cataanam meqe.

Yacedkel 44:14

Tahak wadir gaca marih taamay Qibaadâ-Qarih addal abaanahiyyat ken heeyyo.»

Yacedkel 46:20

Too waqdi iyyeemih, «Seeka dambi-kalootuh-baahen-saqih-cado kee edde-asen-qellatih-cakkih-baahan-saqih-cado sadgatah elle alaysaanam, tama araca. Bululuy sadgatah baahaanahiyyah gaqamboyta elle alaysaanam, too araca. Yallih Qibaadah Qarik afa le kabut raaqa daaratay sinam elle tanihiyya mayayyaaqan. Toh akah kinnim, too sadgatay taahirik yani afah yeyyeeqen ken tekkek, ummat biyaakam takkeh 'yaanama» iyye.

Yacedkel 46:23

Kulli daaratat gaso maroh ten. Tonnah kaadu gira elle urusan arac woo gasot xakabuh yen.

Yacedkel 47:1

Woo num Yallih Qibaadah Qarih culma fan yoo gacse. Too culmak lee awaquk teneeh; too lee Qibaadâ-Qarik exxak teenay gabbi-qaxat raqtahiyyak amma 'teh sadgat elle aban aracak gabbi-qaxa le kabu darah gexak, ayrô-mawqa le kabuy Qibaadâ-Qari edde yafkunehiyya fanah darah oobak ten.