Yacedkel 46:21 - NABUWWA KEE MALIKWA

^21-22 Tohuk lakal afa le kabut raaqa daarat fanah yoo beeh, too daaratak affara *ruknik kulli *ruknitiiy inki daaratay qunxahiyya yen. Too daarat-baxi xexxaarah labaatanna mitri akkuk yeneeh, baguh taban kee koona mitri akkuk yen.

Yacedkel 46:21 ပူးပေါင်းရင်းမြစ်များ

Yacedkel 10:5

Galwa-leemih galwak tawqeh tan xongolo, Qibaadâ-Qarik afa le kabu raaqa daaratal kinni way antaabbuk ten. A xongolo Nabaamak Naba Dageltih xongoloh anay luk ten.

Yacedkel 40:17

Sarrak too num Qibaadâ-Qari akak culan afak daarat fanah yoo bee. Tokkel woo irô-kabu raqta gasot xakabuh xisen soddom goli yen. Too soddom golik foocat xeet qalumuh elle heen arac yen.

Yacedkel 46:20

Too waqdi iyyeemih, «Seeka dambi-kalootuh-baahen-saqih-cado kee edde-asen-qellatih-cakkih-baahan-saqih-cado sadgatah elle alaysaanam, tama araca. Bululuy sadgatah baahaanahiyyah gaqamboyta elle alaysaanam, too araca. Yallih Qibaadah Qarik afa le kabut raaqa daaratay sinam elle tanihiyya mayayyaaqan. Toh akah kinnim, too sadgatay taahirik yani afah yeyyeeqen ken tekkek, ummat biyaakam takkeh 'yaanama» iyye.