Yacedkel 45:5 - NABUWWA KEE MALIKWA

⁵ YALLAH caban baaxok gersi garabay taban kee namma kiilomitri kee garab xexxaarah yakkeeh koona kiilomitri baguh yakkehiyya, Leewih yooboke maray Yallih Qibaadah-Qarih addal taamitahiyya ikoytah antacawwimele. Too mari dabaaqah elle gaca magaalooli tokkel xissiimele.

Yacedkel 45:5 ပူးပေါင်းရင်းမြစ်များ

Yacedkel 40:17

Sarrak too num Qibaadâ-Qari akak culan afak daarat fanah yoo bee. Tokkel woo irô-kabu raqta gasot xakabuh xisen soddom goli yen. Too soddom golik foocat xeet qalumuh elle heen arac yen.

Yacedkel 48:10

Too taahirik yan aracay dessot gacu waahiyyak garab seekah antacawwele. Seekah yacoonu waanam, ayrô-mawqak xabba haanamaay ayrô-culmah amma 'yaanam takke baaxok taban kee namma kiilomitri kee garab takkeeh; kilbat le kabuk xabba haanamaay gabbi-qaxa le kabuk koona kiilomitri takke baaxo keenih aaxigelon. Ta aracak gudel Yallih Qibaadah-Qari xissiimele.

Yacedkel 48:13

Gersi Leewih yooboke marah, seekak gabbi-qaxa raaqa aracak garil deesen baaxo keenih aaxigelon. Too arac ayrô-mawqak xabba haanamaay ayrô-culma fan taban kee namma kiilomitri kee garab yakkeeh; kilbat le qaxak xabba haanamaay gabbi-qaxa raqta baaxoh amma 'yaanam koona kiilomitri takke baaxo kinni.

Yacedkel 48:20

Tonnal, a aroocay deeseenihiyyak affara gaco aalleleeh, kulli dariifa xexxaarah taban kee namma kiilomitri kee garab akkele. Tohim taahirik tan exxa kee too magaala elle xissinte araca.