Yacedkel 45:19 - NABUWWA KEE MALIKWA

¹⁹ Sek too dahaltuy dambi-kaloot-sadgatah qideenihiyyah qabalak tu takkem beyya heeh, Qibaadâ-Qarih albaab dagah amook tani'kkel caxay. Sadgat elle aban mansafak affara *ruknil kaadu caxay, adda le kabut raaqa daarat adda akak culan culmal, tonnah kaadu caxaama.

Yacedkel 45:19 ပူးပေါင်းရင်းမြစ်များ

Yacedkel 43:14

Ardik xabba haanamaay rakiibo edde taade ikkeh amma 'yaanam, inki mitri xexxaarah akkuk ten. Wokkel ciggilta exxa mitrik garab gide wadirih salaf le kabuh iissa axcuk ten. Xexxaarah namma mitri akkuk ten. Wohuk lakal tan exxa kaadu fanti-exxak mitrik garab gide salaf le kabuh wadir iissa axcuk ten.

Yacedkel 43:17

Fanti exxa tonnah affara gambi luk ten. Kulli gambi akak malcina mitri akkuk yen. Fanti exxak iro le kabu raaqa kanaalak exxa, fayyah inki mitrik rubqi akkuk ten. Sadgat elle aban arac fanah elle yawqen mawqeena ayrô-mawqa le kabu fan afkunuk ten.

Yacedkel 43:19

Yi foocal gacca 'yeh Qibaadâ-Qarih addal yi taama abtu waytam, dagaak Leewî-kedok Saaduk deqsita numuk rade mara. Aham amrissam, yoo YALLAY Mulki lehiyya. Too saaku yekke dambih cabsuh sadgatah yeceen dahaltu, a maray Leewi yoobokehiyyal ucuy.

Yacedkel 43:20

Too dahaltu qidan waqdi, atu qabalak tu'baxa beyya haay woo sadgatah bicsen mansafak daga raqta gaysoosi kee, fanti exxal tan *ruknitte kee too exxa le sanal inkih hay. Tonnal dibuk yoh heen mansaf yakke'gidih dambik taahirros.

Yacedkel 46:1

YALLAY Mulki lehiyya iyyeemih, «Adda le kabut raaqa daarat fanah akak culan afay ayrô-mawqa le kabut raqtahiyya, lica ayroy taama edde abaanahiyyat alifut sugtaama. Takkay immay Sabti-ayro kee alsi edde bila ayroy qiidih edde asaanahiyya fakkintay.

Yacedkel 46:2

Baaxoh abba afa le kabut raaqa daaratak gacca 'yeh, adda le kabut raaqa daaratih culma akak culan naharsi golik culla iyyeh, sarra culmal tan qamidwa le kabuuk solla iyyay. Too waqdi cado akak cararisan sadgat kee amaanah xiinaanamih astah baahe sadgat, sek kay aftok cararisaama. Sarrak too culmah garil dooqa abba heeh yawqeemi. Ayrô-mawqa le kabut raqta culma bari tikka 'yam fanah alfe woonay.