Yacedkel 44:7 - NABUWWA KEE MALIKWA

⁷ Allî-baaxoh maray salot sinnihiyya yi Qibaadah-Qari culussaanaah, nadaasa kaa abten. A maray isin bahteeni, yi yab oggola mara hinna. Sadgatah qiddan saqih xayta kee qabal sadgatah bahtan waqdi, a mara yi qariy taahirik yanihiyya gabat bahtan. Tonnah abak sin kee yi fanal yen xagana bayisseenih.

Yacedkel 44:7 ပူးပေါင်းရင်းမြစ်များ

Yasaqya 24:5

Baaxo nadaasa abtem sinaama. Macaay inteenik, Yalla cinaanaah, usuk aba iyyem abe waanaah, Yallih Qahdiy daayiman waarahiyya makan.

Ermiyaas 11:10

Ken kaxxa abbobtiy yi amri cintehiyya abak ten dambi, oson kaadu aban. Yalla akke sinni duyyey gabak bicseenihiyya yaqbuden. Israayil kee Yuudah ummat, anu duma ken kaxxa abbobti lih heeh suge qahdi yol makeenih.

Ermiyaas 31:32

Too saaku ken lih hayu waa qahdi, anu gaba keenik xabba heeh, Masrik ken eyyeeqe saaku, ken abbobti luk abe qahdi innah yan qahdi mayakka. Too saaku baqli barrah elle yamqeeh amo teetik elle wagta gurral, anu kaadu ta marah muqukuuy amo keenik wagitak suge'mmay, tohuh ken lih abe qahdi yol makeenih.

Ermiyaas 4:4

Yooy YALLA kinnihiyya lih liton xagana xagura. Yi qibaadak kalih imit maasina. Taham cinteenik, isin abten umaanek gexxaamah sin anneeqebbeyyo; anu abah an naqbi girah innah ureleeh habugga axcele. Too gira sarra bargusa num mageytima» 'yaanam siinik iyya.

Ermiyaas 9:25

YALLI qagseh iyyemii, «Masri kee Yuuda kee Edom kee Qammon kee Mooyab kee, bacarih tan baaxol yan maray amô-xagor namma seltak isik yargiqehiyya edde digaalu waa wakti mamaatat yan. Ta mari yakkeemiik solot loonuuh immay, woo solot akah lon qahdi mayaaxigan. Ta mara kee Israayil marak yi qahdi num maxagurinna» 'yaanam iyye.

Yacedkel 22:26

Seeka yi xinto intam mabtaay, taahirik tan qibaadah caagid elle aban arooca maxaguran. Caraamak tanim kee calaalak tanim ummatah mawarsan. Sabti ayro maxaguran. Tonna leemik Israayil mari yoo mayassakaxxan.

Yacedkel 44:15

«Takkay immay woo Leewih yooboke maray Saaduk deqsita numuk radehiyya Israayil ummat takkeemik yoo cinte saaku, Qibaadâ-Qaril yi taamat raaqeeniih, yi qibaada baguuk abak sugen. Tonna-kinnuk ta saaku, Qibaadâ-Qarih addal yok foocal xayta kee qabal sadgatah bahtu waytam ta mara. Tahat yabtam yoo YALLAY Mulki lehiyya.

Yacedkel 44:9

Tohuk gexxaamah, yoo YALLAY Mulki lehiyya sin aysixxigeemih: faxe allî-baaxoh maray solot sinni takkuu, yi yab cina mara takku, yi Qibaadah-Qari cule waanama. Tonnal yan allî-baaxol maray Israayil marih addal yanihiyya kinni-way cule waama» iyye.

Yacedkel 7:20

Duma yan saaku dahab kee lakqo kee luuluk mangom luk sugeenimih sabbatah, tohul kaxxam kaxxiinitak yeneeni'mmay, maca akak abeenih? Sarra woo duyyek yalla axcuk yaqbuden duyye bicsen; ableh-umam akak aben. Tohuk gexxaamah anu too duyye caraamu keenil abeyyo» 'yaanam iyye.

Malaaki 1:7

«Hay, tonnal yoo elle bursuttan inna siinih warisu waa: yoh sadgat elle abtan aracal caraamak yan sadgat abtan. «Tohuk wadir, ‹YALLAW, toh abnek, koo manni'nnal bursutna?› 'yaanam intan. Yoh sadgat elle aban aracat abtan bura, yoo assakaxxe waytaanamah orobta.

Malaaki 2:4

Toh siinik akah axcem, Leewik rade maray seekah yanihiyya lih heeh suge xagani tohuk wadir digga iyya'gidi. Too saaku toh aaxigetton. Tah intam yoo YALLAY Nabaamak Nabahiyya.

Malaaki 2:8

«Tonna'mmay seekay, isin ta saaku cakki gitak tewqeeniih, isin sinam barissan qilmi ummat makot beyam baahe. Anu sin lih haysite qahdi makteenih.