Yacedkel 44:5 - NABUWWA KEE MALIKWA

⁵ YALLI yok iyyeemih, «Bani-adantow, ubulla haytam kee oobba haytam nagay cubbus. Qibaadâ-Qarih xinto kee wokkel abeh meqem koh warseyyo. Qibaadâ-Qarih addah culma akah taguude mara kee, akah aguude wayta mara tittak cubbus» yok iyye.

Yacedkel 44:5 ပူးပေါင်းရင်းမြစ်များ

1 Aydaad 22:19

Tohuk gexxaamah, taway YALLAY sin Dagelta kinnihiyyal isinni afqado kee niyaak taduureenimi. YALLIH Qahdih-Sandug kee Yallih qibaadah nabbixe duyyey taahirik tanihiyya addal akak haytaana'gidih, Dageltah yan YALLIH nabnah Qibaadâ-Qari xisa» 'yaanam keenik iyye.

2 Aydaad 11:16

Inkih yan Israayil marih addakaa, isi afqadook YALLAY Israayil doore Dagelta kinnihiyya yaqbudem faxa mari, YALLAY oson akak raden ken kaxxa abbobti doorehiyyah sadgat abaana'gidih, Leewih yooboke marih lakat Yarusalaam magaala fan gexen.

Yacedkel 40:4

Woo num yok iyyeemih, «Bani-adantow, akke akah temeetem, anu koo aybulleem nagay ankacissuuy cubbusseh raqta'gidi kinnuk, intih wagitaay tublem Israayil marah waris» yok iyye.

Yacedkel 42:9

Ayrô mawqa le kabut raaqa daaratak too golitte fan culaana'gidih, gitah gacan arac kee albaab yen.

Yacedkel 46:19

Tokkeek woo num kilbat le kabut raqta golitteh culma fanah yoo baahe. Tohum, adda le kabut raaqa daaratak gabbi-qaxat tan culmah garit raqta golitte. Taham seekâ-golittey taahirik tanihiyyak ten. Too golittek ayrô-culma le kabut raaqa arac yoh yescesse.

Yacedkel 47:6

Too waqdi yok iyyeemih, «Bani-adantow, tamah inkih cubbus» yok iyye. Sarrak weeqayti xaqu fan yoo baahe.

Daaniyel 10:12

«Sarrak yok iyyeemih, ‹Daaniyelow, mameysitin. Kol temeete farmoh adda ceddi hayteeh, Yalla kinni ku Dageltih meysih rammitteeh miskiinitte ayrok wadirih, ku dooqa oggolsimtem koh warsa'gidih emeete.