Yacedkel 44:28 - NABUWWA KEE MALIKWA

²⁸ «Israayil marah baxak baxal nagrah raqta baaxo ikoytah keenih eceeh. Takkay immay seekah Israayil rasul ikoytah ecee baaxo matana. Oson faxxa haanamah, anu innih keenih an.

Yacedkel 44:28 ပူးပေါင်းရင်းမြစ်များ

Yacedkel 45:4

Ta arac, inkih tan baaxol taahirik yan aracay Qibaadâ-Qarih addal Yallih taamah taamitta seekah qarwa elle xisoonu waanahiyya. Too arac kaadu Qibaadâ-Qarih xisneh deeselon.

Yoosuwa 13:14

Muusa Leewih yooboke marah baaxo maacanna. Toh akah abemii, YALLAY Israayil doore Dagelta kinnihiyya Muusak iyyemii, «Leewih yooboke mari cado akak carrisan sadgatay yoh abaanahiyyak raqtem baaxoh aftok keenih ixig» 'yaanam iyyeh yen.

Yoosuwa 13:33

Takkay immay Leewih yooboke marah baaxo maacanna. YALLAY Israayil doore Dagelta kinnihiyya kaak iyyemii, «Leewih yooboke mari, baaxoh aftok yoh baahan sadgat ikoytah lon» 'yaanam iyyeh yeneeh; tohuk gexxaamah keenih maacannon.