Yacedkel 44:24 - NABUWWA KEE MALIKWA

²⁴ Ummat fanal yi xinto wagga haytaamal tittin way rade kaa tekkek, yi xinto elle inta'nnal ken kalkaalaanama, seekak siinih raqta tiya. Qiddi ayro yi xinto elle inta'nnal abaanama. Sabti ayro essekexxeya.

Yacedkel 44:24 ပူးပေါင်းရင်းမြစ်များ

1 Aydaad 23:4

Too waqdi Dawud iyyemii, «Too marak labaatanna kee affara alfih num taamah yaallu waam, YALLIH Qibaadah-Qarih addal tan taamaay; kaadu too soddom kee bacra alfi yekke marak laca alfih num taamah yaallu waam, qaada yaktubeenim kee ummatta cakki tittak wayta waqdi, ken kuraanama.

Qedra 2:63

Tohuk gexxaamah Yuudâ-baaxoh abba, «Urim kee Tummim deqsitta duyye qida sek yamaatem fanah, Yallih migaaqal sadgatah xayyoosan maaqo takmeenimih idni manton» keenik iyye.

Yacedkel 20:12

Ken dambik taahir abtam yoo ken Dagelta kinnim yaaxigeeni'gidiiy, tohih asta keenih takke'gidih, ‹Sabti ayro mataamitina› keenik exce.

Yacedkel 20:20

Anu YALLAY sin Dagelta kinni taaxigeeni'gidiiy tohih asta siinih takke'gidih, sabti ayro taamitaanamak xaggursuma. Too ayro yi qibaadak kalihim maabina› exce.

Yacedkel 22:26

Seeka yi xinto intam mabtaay, taahirik tan qibaadah caagid elle aban arooca maxaguran. Caraamak tanim kee calaalak tanim ummatah mawarsan. Sabti ayro maxaguran. Tonna leemik Israayil mari yoo mayassakaxxan.

Yacedkel 46:9

«Ummat Yallih qibaadah qiddi saaku Qibaadâ-Qari tamaate waqdi, too dooqak gaba kalla haan waqdi, kilbat le kabuk cule mari gabbi-qaxat af cabta afak yawqay. Gabbi qaxak cule mari kilbat le kabut af cabta afak yawqay. Akak culen afak awqe woonay, foocat tan afak yawqoonay.