Yacedkel 44:1 - NABUWWA KEE MALIKWA

¹ Too num Yallih Qibaadah Qarik iro le kabu raqta culmay ayrô-mawqa le kabut tanihiyya fanah yoo bee. Too culma alifit ten.

Yacedkel 44:1 ပူးပေါင်းရင်းမြစ်များ

1 Aydaad 9:18

Sallum a saaku fanah, Malik Afa deqsitak ten Culmay ayrô-mawqa le kabul geytimtahiyyat dacayrih yan. Dumah yan dabaanal oson akak raden mari, Leewih yooboke mari elle yinfiddige aroocat dacayrih suge marak ten.

2 Aydaad 20:5

Too magaalal YALLIH Qibaadah-Qarik qusbih bicsen daaratal gaaboowen. Malik Yacoosafat gaaboowe marih foocal solla 'yeh,

2 Aydaad 33:5

Qibaadâ-Qarih-gasok adda le kabuk namma daaratal inkih, cutuuka elle yaqbuden arac bicse.

2 Aydaad 4:9

Seeka elle gacta'gidih, Qibaadâ-Qarik adda le kabul daarat bicsen. Tonnah kaadu iro le kabuk kaxxa daarat bicsen. Daarat-alfintitte bicseenih; too alfintitte nacaasak exfen.

Yacedkel 40:17

Sarrak too num Qibaadâ-Qari akak culan afak daarat fanah yoo bee. Tokkel woo irô-kabu raqta gasot xakabuh xisen soddom goli yen. Too soddom golik foocat xeet qalumuh elle heen arac yen.

Yacedkel 40:6

Tohuk gaba kalla hee waqdi, daarat akak yawqen afay ayrô-mawqa le kabut af cabtahiyya fanah gexe. Tokkek mawqeena yewqeeh; amo guffu hee waqdi, dagaak guba fanah culma takkeh gide yimittire. Sidooca mitri xexxaarah tekke.

Yacedkel 42:14

«Seeka tama qarik afah tawqe waqdi, Yallih taama edde abak sugen saray xagaral loonuhiyya eyyeqqa heenih, ta'kkel cabba heenik lakal, yawqen. Woh akah abaanam, a arac taahirik yan arac tekkek sah aban. Wohuk raqqa 'ye marih arooca gexan waqdi, isinni sarat gaceenih gexan» iyye.

Yacedkel 43:1

Woo yimittire num ayrô-mawqa le kabut af cabta culma fan yoo bee.

Yacedkel 43:4

Too ifuy YALLIH nabna yaybulleehiyya Qibaadâ-Qarik ayrô-mawqa le kabut raqta afa fanah gexeeh; tokkeek Qibaadâ-Qarih adda cule.

Yacedkel 46:1

YALLAY Mulki lehiyya iyyeemih, «Adda le kabut raaqa daarat fanah akak culan afay ayrô-mawqa le kabut raqtahiyya, lica ayroy taama edde abaanahiyyat alifut sugtaama. Takkay immay Sabti-ayro kee alsi edde bila ayroy qiidih edde asaanahiyya fakkintay.

Yacedkel 46:12

«Baaxoh abba isi fayxiik YALLAH sadgat abam faxeeh; too sadgatah cado akak carrisan saq akki kee, hinnay kaadu, amaanah xiinaanamih astah aban sadgat abe kaa tekkek, ayrô-mawqa le kabut raqta afa kaah fakoonay. Sadgat too Sabti ayro akah abba haa innah abaama. Usuk gexxa 'ya way too afa alfoonay» iyye.