Yacedkel 43:4 - NABUWWA KEE MALIKWA

⁴ Too ifuy YALLIH nabna yaybulleehiyya Qibaadâ-Qarik ayrô-mawqa le kabut raqta afa fanah gexeeh; tokkeek Qibaadâ-Qarih adda cule.

Yacedkel 43:4 ပူးပေါင်းရင်းမြစ်များ

Yasaqya 60:1

Yarusalaamey, ifi kol ifseemih sabbatah ugutey ayroh innah ifey; YALLIH nabna kol ifta.

Yacedkel 1:28

Too ifuy urahiyya qaran-bagih calawwaytu bisu luk yeneeh; YALLIH nabna yaybulle ifuk ten. Toh eexege waqdi, gomboh baaxok bagul rade. Sarrak yabti xongolo yol radde.

Yacedkel 11:23

Too ifuy YALLIH nabna yaybulle, magaala cabba heeh, ayrô-mawqa le kabut raqta qale fanah gexeeh, wokkel elle yeede.

Yacedkel 3:12

Tohuk gaba kale waqdi, Yallih Roocaaniyya ukkuqqa yoo hayteh yoo beyteeh; too waqdi darre le kabuk, «Yalli elle yan qaraanal, nabna kaak kulsa le; kaa faylisa» inta xongolo oobbe.

Yacedkel 43:1

Woo yimittire num ayrô-mawqa le kabut af cabta culma fan yoo bee.

Yacedkel 43:2

Tokkeek Israayil doore Dageltih nabna yaybulle ifuy diifu le uble. Yallih anay baddi haffoh innah xongoleeh, Yallih ifuy diifu lehiyya baaxo inkih duude.

Yacedkel 44:2

YALLI yok iyyeemih, «Tama culma alifit aneleeh, mafakkinta. YALLAY Israayil doore Dagelta kinnihiyya akak cule arac kinnuk, gersi mari akak macula. Tohih sabbatah alifit edde aadele.

Yacedkel 44:4

Sarrak woo num kilbat le kabut raqta afaak beyya yoo heeh, Qibaadâ-Qarih fooca fanah yoo baahe. Wagga hee waqdi, YALLIH nabna yaybulle nooriy inkih yan Qibaadah-Qarik adda ifsahiyya uble. Too waqdi gomboh baaxok bagul rade.