Yacedkel 43:2 - NABUWWA KEE MALIKWA

² Tokkeek Israayil doore Dageltih nabna yaybulle ifuy diifu le uble. Yallih anay baddi haffoh innah xongoleeh, Yallih ifuy diifu lehiyya baaxo inkih duude.

Yacedkel 43:2 ပူးပေါင်းရင်းမြစ်များ

Yasaqya 17:12

Ankacisey! Baadal tan ummatta, badal sabo raddaah bad haffita waqdi elle xongola'nnal, xongolta.

Yasaqya 6:3

Tittah seecak yeneeniih, «YALLAY Nabaamak Nabahiyya *kudduusuk yan. YALLAY Nabaamak Nabahiyya *kudduusuk yan. YALLAY Nabaamak Nabahiyya *kudduusuk yan. Kay nabna inkih tan addunya duddah» iyyen.

Yacedkel 1:24

Haadan waqdi galway tittat keenik booddah anay oobbe. Too anay roobuy yangudehiyyah anay luk yen. Tonnah kaadu mango macaxuy waxxaq iyyah anay luk yeneeh; Nabaamak Naba Dageltih xongolo kaadu ceelak yen. Haadak suggu 'yeenih yeeden waqdi, rooci-leemik kulli ti isi galwa xambaqqa hee.

Yacedkel 1:28

Too ifuy urahiyya qaran-bagih calawwaytu bisu luk yeneeh; YALLIH nabna yaybulle ifuk ten. Toh eexege waqdi, gomboh baaxok bagul rade. Sarrak yabti xongolo yol radde.

Yacedkel 10:4

Tohuk lakal YALLIH nabna yaybulle ifuy kaxxa diifu lehiyya galwa leemik cabba heeh, Qibaadâ-Qarih culma fanah gexe. Qamburre inkih yan Qibaadah-Qari bulte. YALLIH nabna yaybulle ifuy diifu lehiyya Qibaadâ-Qarih daarat duuduse.

Yacedkel 11:22

Tohuk lakal galwa-lem galwa fakka hayteh haadde. Taaxige koramkorak gexxa duyye ken lih haadde. Israayil doore Dageltih nabna yaybulle ifuy diifu le ken amol ifak yen.

Yacedkel 11:23

Too ifuy YALLIH nabna yaybulle, magaala cabba heeh, ayrô-mawqa le kabut raqta qale fanah gexeeh, wokkel elle yeede.

Yacedkel 3:23

Too waqdi golo fan oobe. Tokkel duma Kabar deqsita weeqaytih garil an waqdi elle uble'nnal, YALLIH nabna yoh tumbulle. Too waqdi baaxol gomboh rade.

Yacedkel 43:4

Too ifuy YALLIH nabna yaybulleehiyya Qibaadâ-Qarik ayrô-mawqa le kabut raqta afa fanah gexeeh; tokkeek Qibaadâ-Qarih adda cule.

Yacedkel 44:2

YALLI yok iyyeemih, «Tama culma alifit aneleeh, mafakkinta. YALLAY Israayil doore Dagelta kinnihiyya akak cule arac kinnuk, gersi mari akak macula. Tohih sabbatah alifit edde aadele.

Yacedkel 9:3

Too waqdi Israayil doore Dageltih nabna yaybulle ifuy diifu le, naharak elle suge galwa-leemih amok katta 'yeh, Qibaadâ-Qarih culma fanah gexah uble. Sarrak YALLI, taaxige-meqe sarot-sartanah-yan numuy gabat kutbe elle aban duyye lehiyyah secca 'yeh,

Cabakkuk 2:14

Bad kibuk akah yan innah, baaxol yan mara kaadu YALLIH nabnah ixxiga duudele.

Cabakkuk 3:3

Ni Dagelti akak yamaatem, Edom kabuuy, Edom rasu. Ni Dagelti akak yamaatem, Faaran migaq le koomaami. Taahirik yan Dagelti kaa. Kay nabna qaranwa gufteh. Kay fayla baaxo timlikeh.

Cabakkuk 3:4

Tonnal yamaate waqdiina cankaxi innah ifak yanih. Noori Yallih gabak yawqe. Isi qande qellut tanim, too gabay noori akak yawqe.