Yacedkel 43:17 - NABUWWA KEE MALIKWA

¹⁷ Fanti exxa tonnah affara gambi luk ten. Kulli gambi akak malcina mitri akkuk yen. Fanti exxak iro le kabu raaqa kanaalak exxa, fayyah inki mitrik rubqi akkuk ten. Sadgat elle aban arac fanah elle yawqen mawqeena ayrô-mawqa le kabu fan afkunuk ten.

Yacedkel 43:17 ပူးပေါင်းရင်းမြစ်များ

1 Malikwa 18:32

A taban kee namma xaak YALLAH sadgat elle abak sugen arac bicse. Woo aracat maroh af qunxa boodooda dage. Woo boodooda leek kiboonuh taban kee affara litri faxak yen.

1 Malikwa 6:8

Qibaadâ-Qarik gabbi le kabuk xakabuh tan qarwa culaana'gidih, afa ten. Too afak fanti-qarwa kee inkih daga raqta qarwa akak yewqen mawqeena ten.

Nacmiya 9:4

Leewih yooboke mari mawqeenah amol soolak yen. Tokkeh amol Yaasuwa kee Baani kee Kadmiyal kee Sabanya kee Bunni kee Sereebiya kee Baani kee Kanaani deqsita mari anay fayya haak YALLAY ken Dagelta kinnihiyyah kallacen.

Yacedkel 40:6

Tohuk gaba kalla hee waqdi, daarat akak yawqen afay ayrô-mawqa le kabut af cabtahiyya fanah gexe. Tokkek mawqeena yewqeeh; amo guffu hee waqdi, dagaak guba fanah culma takkeh gide yimittire. Sidooca mitri xexxaarah tekke.

Yacedkel 43:14

Ardik xabba haanamaay rakiibo edde taade ikkeh amma 'yaanam, inki mitri xexxaarah akkuk ten. Wokkel ciggilta exxa mitrik garab gide wadirih salaf le kabuh iissa axcuk ten. Xexxaarah namma mitri akkuk ten. Wohuk lakal tan exxa kaadu fanti-exxak mitrik garab gide salaf le kabuh wadir iissa axcuk ten.

Yacedkel 43:20

Too dahaltu qidan waqdi, atu qabalak tu'baxa beyya haay woo sadgatah bicsen mansafak daga raqta gaysoosi kee, fanti exxal tan *ruknitte kee too exxa le sanal inkih hay. Tonnal dibuk yoh heen mansaf yakke'gidih dambik taahirros.

Yacedkel 45:19

Sek too dahaltuy dambi-kaloot-sadgatah qideenihiyyah qabalak tu takkem beyya heeh, Qibaadâ-Qarih albaab dagah amook tani'kkel caxay. Sadgat elle aban mansafak affara *ruknil kaadu caxay, adda le kabut raaqa daarat adda akak culan culmal, tonnah kaadu caxaama.

Yacedkel 8:16

Sarrak Qibaadâ-Qarik adda le kabut raaqa daarat fanah yoo bee. Tokkel, YALLIH Qibaadah-Qarih adda akak culan culma kee sadgat elle aban aracak fanal, labaatanna kee koona num yen. Too labaatanna kee koona numuu, qibaada qarit darre cabak, ayrô-mawqa fan qununnu 'yeh, tawqeh tan ayro aqbuduk yenen.