Yacedkel 43:11 - NABUWWA KEE MALIKWA

¹¹ Abba heenimit wacarriyaanam tublek, tonnal Qibaadâ-Qari elle yani'nnah adda ken uybullay. Xisne elle aben innaay, culma kee mawqa akak tan kabuuy, ceelok le innaay, tet xinto kee bici elle yani'nna keenih waris. Tah inkih uktubba haay keenih acuy. Tonnal kullim elle tani'nna aaxige loonuuh, xinto intam abelon.

Yacedkel 43:11 ပူးပေါင်းရင်းမြစ်များ

Yacedkel 11:20

Too saaku yi xinto oggoletton. Anu aba axcem abetton. Isin yi mara akkettoonuuh; anu sin Dagelta akkeyyo.

Yacedkel 12:3

«Tonna'mmay, bani-adantow, seewah beyan mari akah aba'nnah, ifaanih akah duyye bicsitay safarah ugut. Away elle tan arac cabba hayteh gersi arac fanah gexxa waqdi, sahda inkih koo tabalay inxic. Ama makoleela koo table waqdi, cedeloonum takkeh.

Yacedkel 36:27

Inni Roocaaniyya siinit heeyyo. Siinil ecee amri kee madqa duudusa mara sin abeyyo.

Yacedkel 43:10

Kaadu iyyeemih, «Bani-adantow, Israayil marah wacarriyaana'gidih, Qibaadâ-Qarih xisne elle tani'nna waris. Elle xisan innih ekraar bartoonay.