Yacedkel 43:10 - NABUWWA KEE MALIKWA

¹⁰ Kaadu iyyeemih, «Bani-adantow, Israayil marah wacarriyaana'gidih, Qibaadâ-Qarih xisne elle tani'nna waris. Elle xisan innih ekraar bartoonay.

Yacedkel 43:10 ပူးပေါင်းရင်းမြစ်များ

1 Aydaad 28:11

Dawud, Qibaadâ-Qari elle xisu waa gurra Suleemanah yescesse. Qibaadâ-Qari akak culan arac kee, Qibaadâ-Qarih addal duyye elle daanisoonu waan golitte kee, Kulliimik-Taahiriinoh-Yayse-Goliy dambi-cabsuh culaanahiyya elle xisu waa inna kaah yescesseeh, tohuk kalah tan golittey raqqa 'tehiyya elle xisu waa innih gurra kaah yescesse.

1 Aydaad 28:19

Tohuk lakal kaak iyyeemihii, «Taway koh warisak sugga excem inkih, ta qarih xisne kee teetih faxxinta duyye elle bicsan gurraay, taham yoh warissem YALLAAY; usuk yok aba elle iyye'nnal tunkuttubeh tan» kaak iyye.

Yacedkel 16:61

Kaxxa maqanxix kee qunxa maqanxix xayloh innal kol gacisu waa saaku, duma abtem kassa haak wacarriyetto. Duma haysinne bical exceh suge weemiiy, away kok axcem, ken ku xaylo abeyyom koh warsa.

Yacedkel 28:12

«Bani-adantow, darraqah takke boogey Suur-malikih abu waahiyya ah teeti. Kaak intaamah: YALLAY Mulki lehiyya iyyaamah, ‹Dudda le mara elle yaaxigen numuh ten. Kas kee qaxa kok bisoh gexak mananna.

Yacedkel 40:4

Woo num yok iyyeemih, «Bani-adantow, akke akah temeetem, anu koo aybulleem nagay ankacissuuy cubbusseh raqta'gidi kinnuk, intih wagitaay tublem Israayil marah waris» yok iyye.

Yacedkel 43:11

Abba heenimit wacarriyaanam tublek, tonnal Qibaadâ-Qari elle yani'nnah adda ken uybullay. Xisne elle aben innaay, culma kee mawqa akak tan kabuuy, ceelok le innaay, tet xinto kee bici elle yani'nna keenih waris. Tah inkih uktubba haay keenih acuy. Tonnal kullim elle tani'nna aaxige loonuuh, xinto intam abelon.

Yacedkel 44:5

YALLI yok iyyeemih, «Bani-adantow, ubulla haytam kee oobba haytam nagay cubbus. Qibaadâ-Qarih xinto kee wokkel abeh meqem koh warseyyo. Qibaadâ-Qarih addah culma akah taguude mara kee, akah aguude wayta mara tittak cubbus» yok iyye.

Yoosuwa 22:28

Kaadu qagseenih iyyeenimih, «Taham akkuk maacissa 'teeh, siinik radu waa mari ah inxicca 'yek, tonnal ni ramad, ‹Nanu akak radne ni kaxxa abbobti bicisse arac wagitay, YALLAH sadgat elle aban aracih bis lek. A arac akah bicseenim, sadgat elle aboonu hinnaay sadgat akak carrisan saq elle qidaana'gidih maxisinnoonuuy, sin kee ni marih fanal asta yakke'gidik ten› axceloonu 'yaanam niyal hayya hayneh xisne» 'yaanam iyyen.