Yacedkel 41:25 - NABUWWA KEE MALIKWA

²⁵ Woo gidaarwak bagul akah tan gurrah, Qibaadâ-Qarih afoofil kaadu nakli kee galwa leemih ceelo tasaawirih ten. Akak culan naharsi golih afak iro raqta afak daga le kabut, qunxa aracay qari afal silal qidahiyya yeneeh; too arac akak bicseenim cooxuk ten.

Yacedkel 41:25 ပူးပေါင်းရင်းမြစ်များ

1 Malikwa 7:6

Qamidwâ-Goli deqsita arac xise. Too arac xexxaarah kontom cusul akkuk yen; baguh soddom cusul akkuk yen. Too aracak afal kaadu qamidwa sooliseenih, too qamidwak amol sugte tabsi-cooxuk exxa fulak caben.

Yacedkel 40:16

Woo aroocak afa le kabut raqta gidaarwa qunxa afoofî-xaylo luk ten. Tonnah kaadu adda le kabu raqta gidaarway aroocak fanal tanihiyya qunxa afoofi luk ten. Gitah akak gacan aracak foocat tan adda le kabu raqta gidaarwa, bilqah heen nakli-tasaawirih bagul luk ten.

Yacedkel 41:16

qari-baaxak taagoota fan inkih, bagu akak cooxut exfeenih yenen. A taagoota reebut ten.

Yacedkel 41:18

Tohum nakli-tasaawir kee galwa-leemih tasaawirik ten. Too ceeloy galwa lehiyya kee nakli-tasaawir tiiy tii lakal haak, inkih yan qarik adda duuduseenih yenen. Galwa le ceelok kulli tii namma fooca luk yen.