Yacedkel 40:49 - NABUWWA KEE MALIKWA

⁴⁹ Tokkeek Qibaadâ-Qari akak culan naharsi goli fan koo tayyaaqe mawqeena ten. Too goli baguh tabna mitri akkuk yeneeh, xexxaarah lica mitri akkuk yen. Too culmak gura kee migdal namma qamidduy sooliseenihiyya yen.

Yacedkel 40:49 ပူးပေါင်းရင်းမြစ်များ

1 Malikwa 6:3

Qibaadâ-Qari akak culan naharsi goli xexxaarah tabna cusul akkuk ten. Qibaadâ-Qari baguh labaatanni cusul takkeh, tonnah kaadu, a exxa inki gid takke.

2 Aydaad 3:17

A namma qamiddu elle sooliseenim, Qibaadâ-Qarih culmak a gambi kee woo gambik ten. Qari akak culan afak migdi kabuk soolisen qamiddi migaaqah Yaakin deqsitak yen. Guri kabut soolak yen qamiddi migaaqah Booqas deqsitak yen.

Yacedkel 40:31

Akak culan naharsi goli, afa le kabu raaqa daarat fan afkunuk yen. Bilqah heen nakli-tasaawir gitah akak gacan arac gexxa 'yam gidaar bagul taswiirih yen. Afa le kabu raaqa daaratak bacra rankok lakal mawqeena bukka inta way, woo culma fanah tamaate.

Yacedkel 40:34

Akak culan naharsi goli, afa le kabu raaqa daaratih foocal yen. Gitah akak gacan arac gexxa 'yam tan gidaarwah bagul bilqah heen nakli-tasaawir yen. Daarataak bacra ranko bukka inta way, too culma fanah tamaate.

Yacedkel 40:37

Akak culan naharsi goli, afa le kabu raaqa daaratat afkanuk raaqa. Gitah gacan arac gexxa 'yam tan gidaarwah bagul bilqah heen nakli-tasaawir yen. Daarataak culma akak culan naharsi goli fan, koo tayyaaqe bacra ranko le mawqeena ten.