Yacedkel 40:44 - NABUWWA KEE MALIKWA

⁴⁴ Sarrak too num adda le kabut raaqa daarat fanah yoo bee. Tokkel adda kabu raaqa daaratat namma goli uble. Too golik tiyak teeni kilbat le kabut raqta culmak garit yeneeh, gabbi-qaxa fanah afkunuk yen. Tiyak teeni kaadu gabbi-qaxat raqta culmak garit yeneeh, kilbat le kabu fanah afkunuk yen.

Yacedkel 40:44 ပူးပေါင်းရင်းမြစ်များ

Yacedkel 40:10

Dacayrih yan marih aroocay woo gitah gacan aracak tattabat raqtahiyya nabnah inki gide akkuk ten. Keenik fanal tan gidaarwa kaadu masuh inki gide akkuk ten.

Yacedkel 40:17

Sarrak too num Qibaadâ-Qari akak culan afak daarat fanah yoo bee. Tokkel woo irô-kabu raqta gasot xakabuh xisen soddom goli yen. Too soddom golik foocat xeet qalumuh elle heen arac yen.

Yacedkel 40:23

Ayrô-mawqa le kabut raqta culmal akah tene'nnah, kilbatak adda le kabut raaqa daarat fanah beyta gersi culma ten. Too num too namma culmak fanal raqta baaxo xexxaarah takkeh gide yimittire waqdi, kontom mitri tekke.

Yacedkel 40:27

Tokkeek kaadu adda le kabut raaqa daarat fan beyta culma ten. Woo num woo namma culmak fanal raqta baaxo xexxaarah takkeh gide yimittire waqdi, kontom mitri tekke.

Yacedkel 40:29

Dacayrih yan marih arooca kee, adda akak culan naharsi goli kee, Qibaadâ-Qarih adda le kabut raqta gidaarwa inkih, too naharak uble culmah innah ten. A culmah addal tan arooca kaadu taagoota luk ten. Ta culma xexxaarah tittat labaatanna kee koona mitrik teneeh, baguh taban kee nammay kee garab ten.

Yacedkel 40:38

Culma akak culan naharsi golik garit, xisen qari yen. Cado akak carrisan saqih cado, naharal elle kaqlisaanam tokkek ten.

Yacedkel 40:43

Gidaarwal duyye edde takran duyyey fallakka lehiyyak kulli tiy akak gaba gennaqtah gide takkehiyya ten. Sadgatah qidan saqih cado elle haak yeneenim, miizwah amok ten.

Yacedkel 40:7

Culmak gitak akak gacan aracak gura kee migdi le kabut sidooca aracay dacayri-mari elle soolahiyya yen. Woo arooca sittat lecey akkuk teneeh; kulli arac affara kaalib luk yen. Woo *ruknittek kulli *rukni sidooca mitri akkuk yen. Ken fanal ten gidaar masuh namma mitri kee garab akkuk yen. Woo dacayrih yan mari elle soola arac kee Qibaadâ-Qarik afa le kabut raaqa daarat fan akak yawqen goliy Qibaadâ-Qarit afa cabahiyyak fanat, akak taban aracay xexxaarah sidooca mitri yakkehiyya yen.