Yacedkel 40:22 - NABUWWA KEE MALIKWA

²² Qibaadâ-Qarih adda akak culan naharsi goli kee taagoota kee nakli-tasaawir inkih ayrô-mawqa le kabut raqta afah innah akak ten. Malcina rankok lakal mawqeena bukka inta way, woo culma fanah tamaate. Too culmak ellecabot raaqa arac daaratat af luk raaqa.

Yacedkel 40:22 ပူးပေါင်းရင်းမြစ်များ

1 Malikwa 6:29

Qibaadâ-Qarih golittek fanti goli kee Kulliimik-Taahiriinoh-Yayse-Golih agantah, gidaarwah bagul, woo nammaamay galwa lehiyyah ceelo kee, nakliita kee, fakimit yan qobor taswiirit bilqiseenih yenen.

1 Malikwa 6:32

Too Kulliimik-Taahiriinoh-Yayse-Golik alfentih bagul, galwa leemih ceelo kee, nakliita kee qobor taswiirih akak heen. Sarrak woo namma alifu kee, nakliitah coox kee galwa leemih ceeloy woo namma alifih bagul taswiirih heenihiyya dahabat exfen.

1 Malikwa 6:35

Too namma alifih bagul, galwa leemiiy nakliita kee qobor taswir yen. Bagul dahab exfeenih akak yenen.

1 Malikwa 7:36

Gaari amol akak tan mansafak inkih yan xagaral galwa leemih taswiir kee lubak kee nakliita taswiir heeh yen. Afal silsilat ceela taswiir heen.

1 Malikwa 7:4

Gidaarak namma kabuk kulli kabuk inkih, caacay-culma sidiica rortah cabeenih yenen.

2 Aydaad 3:5

Qibaadâ-Qarik kaxxa qarih bagu saagan-cooxut exfeenih yenen. Too saaganak bagu nabam qax-meqe dahabat exfeenih yenen. Too dahabak bagul mango nakliita kee silsilatwa tasaawir heenih yenen.

Yacedkel 40:16

Woo aroocak afa le kabut raqta gidaarwa qunxa afoofî-xaylo luk ten. Tonnah kaadu adda le kabu raqta gidaarway aroocak fanal tanihiyya qunxa afoofi luk ten. Gitah akak gacan aracak foocat tan adda le kabu raqta gidaarwa, bilqah heen nakli-tasaawirih bagul luk ten.

Yacedkel 40:25

Duma kaxxih, a culmah kabuk tan golitte taagat luk ten. Culmak afa xexxaarah labaatanna kee koona mitri akkuk ten. Baguh taban kee nammay kee garab akkuk ten.

Yacedkel 40:26

Wokke mawqeenay elle yawqeenihiyyak malcina ranko tawqe. Too culmak ellecabot raaqa arac daaratat af luk raaqa. Tonnah kaadu, adda le kabut raqta gidaarwak bagul, nakliita tasaawir yen. Too gidaarwa gitah akak gacan aracat afkunuk raqta.

Yacedkel 40:29

Dacayrih yan marih arooca kee, adda akak culan naharsi goli kee, Qibaadâ-Qarih adda le kabut raqta gidaarwa inkih, too naharak uble culmah innah ten. A culmah addal tan arooca kaadu taagoota luk ten. Ta culma xexxaarah tittat labaatanna kee koona mitrik teneeh, baguh taban kee nammay kee garab ten.

Yacedkel 40:31

Akak culan naharsi goli, afa le kabu raaqa daarat fan afkunuk yen. Bilqah heen nakli-tasaawir gitah akak gacan arac gexxa 'yam gidaar bagul taswiirih yen. Afa le kabu raaqa daaratak bacra rankok lakal mawqeena bukka inta way, woo culma fanah tamaate.

Yacedkel 40:34

Akak culan naharsi goli, afa le kabu raaqa daaratih foocal yen. Gitah akak gacan arac gexxa 'yam tan gidaarwah bagul bilqah heen nakli-tasaawir yen. Daarataak bacra ranko bukka inta way, too culma fanah tamaate.

Yacedkel 40:37

Akak culan naharsi goli, afa le kabu raaqa daaratat afkanuk raaqa. Gitah gacan arac gexxa 'yam tan gidaarwah bagul bilqah heen nakli-tasaawir yen. Daarataak culma akak culan naharsi goli fan, koo tayyaaqe bacra ranko le mawqeena ten.

Yacedkel 40:49

Tokkeek Qibaadâ-Qari akak culan naharsi goli fan koo tayyaaqe mawqeena ten. Too goli baguh tabna mitri akkuk yeneeh, xexxaarah lica mitri akkuk yen. Too culmak gura kee migdal namma qamidduy sooliseenihiyya yen.

Yacedkel 40:6

Tohuk gaba kalla hee waqdi, daarat akak yawqen afay ayrô-mawqa le kabut af cabtahiyya fanah gexe. Tokkek mawqeena yewqeeh; amo guffu hee waqdi, dagaak guba fanah culma takkeh gide yimittire. Sidooca mitri xexxaarah tekke.