Yacedkel 40:17 - NABUWWA KEE MALIKWA

¹⁷ Sarrak too num Qibaadâ-Qari akak culan afak daarat fanah yoo bee. Tokkel woo irô-kabu raqta gasot xakabuh xisen soddom goli yen. Too soddom golik foocat xeet qalumuh elle heen arac yen.

Yacedkel 40:17 ပူးပေါင်းရင်းမြစ်များ

1 Malikwa 6:5

Qibaadâ-Qarik dariifat qunxa qarwa xiseeh; too qarwa iro le kabuk Qibaadâ-Qarit xakabuh raaqak ten.

2 Malikwa 23:11

Tonnah kaadu, Yuudâ-malikwa ayrô-qibaadah hayteh sugte faroosa, elle sugte aracak kaleh. Gaariiray kaadu Yuudâ-malikwa ayrô-qibaadah heenih sugeenit gira ruube. A faaris kee gaariira elle sugtem, YALLIH Qibaadah-Qarih-daaratah akak culan afak ten. Tohum, Naatan-Melek deqsita numuy abbootan lehiyya qarik xayi aracak ten.

1 Aydaad 23:28

Taamah keenih yeceenim: Qibaadâ-Qaril YALLIH qibaada aban waqdi, Haaruunuk rade maray seekâ-lago lehiyya faxxinta taamal cataanam kee, Qibaadâ-Qarih daaratwa kee qunxa qarwa dacrisaanam kee, taahirik enna 'ta duyyey Qibaadâ-Qaril tanihiyya saytunusaanam kee, raqqa 'ta taamay Yallih Qibaadah-Qarih addal faxximma 'tahiyya abaanam kee,

1 Aydaad 9:26

Yallih Qibaadah-Qaril duyye elle daanisan golitte kee aki golitteh qaada wagga hayta taama, Yallih Qibaadah-Qarit dacayrih suge marak affara numuy keenik abbobtih yenehiyyah gabal heen. Too mari Leewih yooboke marak ten.

2 Aydaad 31:11

Tonna-leemiik Malik keenik elle iyye innal, YALLIH Qibaadah-Qaril duyye edde daanisan arac bicseeniih;

Yacedkel 10:5

Galwa-leemih galwak tawqeh tan xongolo, Qibaadâ-Qarik afa le kabu raaqa daaratal kinni way antaabbuk ten. A xongolo Nabaamak Naba Dageltih xongoloh anay luk ten.

Yacedkel 40:18

Too aracay qalumuk bicseenihiyya xexxaarah daaratak a kabuuy woo kabu akkuk yen. Qibaadâ-Qarik afa le kabut raaqa daarat, adda le kabut raaqa daaratak ramma axcuk raaqa.

Yacedkel 40:38

Culma akak culan naharsi golik garit, xisen qari yen. Cado akak carrisan saqih cado, naharal elle kaqlisaanam tokkek ten.

Yacedkel 40:44

Sarrak too num adda le kabut raaqa daarat fanah yoo bee. Tokkel adda kabu raaqa daaratat namma goli uble. Too golik tiyak teeni kilbat le kabut raqta culmak garit yeneeh, gabbi-qaxa fanah afkunuk yen. Tiyak teeni kaadu gabbi-qaxat raqta culmak garit yeneeh, kilbat le kabu fanah afkunuk yen.

Yacedkel 40:45

Too num yok iyyeemih, «Ama gabbi-qaxa fan yafkune goli, a Qibaadah-Qarih addal Yallih taamat tan seeka elle taamitta goli» yok iyye.

Yacedkel 40:46

Kilbat le kabu fanah yafkune goli, sadgat elle aban aracat tan seeka elle taamitta goli. Seeka inkih, Leewi deqsitta kedok migaaqah Saaduk deqsitak yen numuk rade mara. YALLIH xaqul YALLIH taamat gacaanam akah oggolsintem, dibuk keeni.

Yacedkel 41:6

Ta qarwa, sidooca qari fanah tittak amol xisen qarwak ten. Daga raqta qarwa mangah soddom tekke. Fanti qarwa kaadu soddom qari tekke. Kulliimik guba raqta qarwa, tonnah kaadu, soddom qari tekke. Qibaadâ-Qarih gidaar boohaysaanam faxxiime waak teneemih sabbatah, ta qarwa soolisaana'gidih raku akah heen.

Yacedkel 42:1

Sarrak amittiruk suge num afa le kabu raaqa daarat fanah yoo beeh; wokkeek Yallih Qibaadah Qarik kilbat le kabut raaqa qari fanah yoo bee. Too qari Qibaadâ-Qarik ayrô-culma le kabut raaqa qarit xeeruk mananna.

Yacedkel 42:10

Qibaadâ-Qarik gabbi-qaxat too qari ceela qari yen. Too qari kaadu ayrô-culma le kabuk Qibaadâ-Qari edde yaade aracal yen qarik xeeruk mananna.

Yacedkel 42:3

Kabuk teenak tu elle xissiime wayta arac yen. Too arac Qibaadâ-Qari gexxa 'yam xexxaarah akkuk yen. Tabna mitri baguh akkuk yen. Kabuk teenak kaadu qalumuk xisen daaratat af cabak yen. Qari akak xissiimem sidiica rankok ten. Kulli rankoy daga raqtahiyya guba raqta rankok qunxuk raaqak ten.

Yacedkel 42:4

A qarik kilbat le kabuk gitah gacan arac yen. Too arac koona mitri baguh akkuk yen. Kontom mitri xexxaarah akkuk yen. Akak culan afa kilbat le kabut raaqak ten.

Yacedkel 44:1

Too num Yallih Qibaadah Qarik iro le kabu raqta culmay ayrô-mawqa le kabut tanihiyya fanah yoo bee. Too culma alifit ten.

Yacedkel 45:5

YALLAH caban baaxok gersi garabay taban kee namma kiilomitri kee garab xexxaarah yakkeeh koona kiilomitri baguh yakkehiyya, Leewih yooboke maray Yallih Qibaadah-Qarih addal taamitahiyya ikoytah antacawwimele. Too mari dabaaqah elle gaca magaalooli tokkel xissiimele.

Yacedkel 46:21

Tohuk lakal afa le kabut raaqa daarat fanah yoo beeh, too daaratak affara *ruknik kulli *ruknitiiy inki daaratay qunxahiyya yen. Too daarat-baxi xexxaarah labaatanna mitri akkuk yeneeh, baguh taban kee koona mitri akkuk yen.