Yacedkel 40:16 - NABUWWA KEE MALIKWA

¹⁶ Woo aroocak afa le kabut raqta gidaarwa qunxa afoofî-xaylo luk ten. Tonnah kaadu adda le kabu raqta gidaarway aroocak fanal tanihiyya qunxa afoofi luk ten. Gitah akak gacan aracak foocat tan adda le kabu raqta gidaarwa, bilqah heen nakli-tasaawirih bagul luk ten.

Yacedkel 40:16 ပူးပေါင်းရင်းမြစ်များ

1 Malikwa 6:29

Qibaadâ-Qarih golittek fanti goli kee Kulliimik-Taahiriinoh-Yayse-Golih agantah, gidaarwah bagul, woo nammaamay galwa lehiyyah ceelo kee, nakliita kee, fakimit yan qobor taswiirit bilqiseenih yenen.

1 Malikwa 6:32

Too Kulliimik-Taahiriinoh-Yayse-Golik alfentih bagul, galwa leemih ceelo kee, nakliita kee qobor taswiirih akak heen. Sarrak woo namma alifu kee, nakliitah coox kee galwa leemih ceeloy woo namma alifih bagul taswiirih heenihiyya dahabat exfen.

1 Malikwa 6:35

Too namma alifih bagul, galwa leemiiy nakliita kee qobor taswir yen. Bagul dahab exfeenih akak yenen.

1 Malikwa 6:4

Qibaadâ-Qarih taagoota qax elle meqe innal xexxaarinuk afa akak qunxuk cabe.

1 Malikwa 7:4

Gidaarak namma kabuk kulli kabuk inkih, caacay-culma sidiica rortah cabeenih yenen.

2 Aydaad 3:5

Qibaadâ-Qarik kaxxa qarih bagu saagan-cooxut exfeenih yenen. Too saaganak bagu nabam qax-meqe dahabat exfeenih yenen. Too dahabak bagul mango nakliita kee silsilatwa tasaawir heenih yenen.

Yacedkel 40:12

Woo dacayrih yan marih sidooca aracak foocat, qunxa gidaaray amok fayyah mitrik garab yakkeeh, masuh kaadu mitrik garab yakkehiyya yen. Too aroocak kulli arac affara kaalib luk yeneeh, kulli *rukni xexxaarah sidooca mitri akkuk yen.

Yacedkel 40:15

Culmak afal tan gidaarak xabba haanamaay ellecaboh arac edde raaqa ikkeh amma 'yaanam, labaatanna kee koona mitri tekke.

Yacedkel 40:25

Duma kaxxih, a culmah kabuk tan golitte taagat luk ten. Culmak afa xexxaarah labaatanna kee koona mitri akkuk ten. Baguh taban kee nammay kee garab akkuk ten.

Yacedkel 40:26

Wokke mawqeenay elle yawqeenihiyyak malcina ranko tawqe. Too culmak ellecabot raaqa arac daaratat af luk raaqa. Tonnah kaadu, adda le kabut raqta gidaarwak bagul, nakliita tasaawir yen. Too gidaarwa gitah akak gacan aracat afkunuk raqta.

Yacedkel 40:29

Dacayrih yan marih arooca kee, adda akak culan naharsi goli kee, Qibaadâ-Qarih adda le kabut raqta gidaarwa inkih, too naharak uble culmah innah ten. A culmah addal tan arooca kaadu taagoota luk ten. Ta culma xexxaarah tittat labaatanna kee koona mitrik teneeh, baguh taban kee nammay kee garab ten.

Yacedkel 40:31

Akak culan naharsi goli, afa le kabu raaqa daarat fan afkunuk yen. Bilqah heen nakli-tasaawir gitah akak gacan arac gexxa 'yam gidaar bagul taswiirih yen. Afa le kabu raaqa daaratak bacra rankok lakal mawqeena bukka inta way, woo culma fanah tamaate.

Yacedkel 40:33

Dacayrih yan marih arooca kee, culma akak culan naharsi goli kee, adda kabut raqta gidaarwa inkih, too duma yimittire dacayri-marih arooca kee, culma akak culan naharsi goli kee, adda kabut raqta gidaarwa gide tekke. Dariifat inkih taagoota akak teneeh; addah akak culan naharsi goli kaadu dariifat taagoota luk yen. Tittat xexxaarah labaatanna kee koona mitri akkuk yen. Baguh taban kee nammay kee garab mitrik akkuk yen.

Yacedkel 40:34

Akak culan naharsi goli, afa le kabu raaqa daaratih foocal yen. Gitah akak gacan arac gexxa 'yam tan gidaarwah bagul bilqah heen nakli-tasaawir yen. Daarataak bacra ranko bukka inta way, too culma fanah tamaate.

Yacedkel 40:36

Aki culma kaxxih, dacayrih yan marih aroocaay, adda le kabut raqta gidaarway bilqah heenihiyya kee, akak culan naharsi goli kee, rooruh tan taagoota luk ten. Tittat xexxaarah labaatanna kee koona mitri akkuk ten. Baguh taban kee namma mitri kee garab akkuk ten.

Yacedkel 40:37

Akak culan naharsi goli, afa le kabu raaqa daaratat afkanuk raaqa. Gitah gacan arac gexxa 'yam tan gidaarwah bagul bilqah heen nakli-tasaawir yen. Daarataak culma akak culan naharsi goli fan, koo tayyaaqe bacra ranko le mawqeena ten.

Yacedkel 40:7

Culmak gitak akak gacan aracak gura kee migdi le kabut sidooca aracay dacayri-mari elle soolahiyya yen. Woo arooca sittat lecey akkuk teneeh; kulli arac affara kaalib luk yen. Woo *ruknittek kulli *rukni sidooca mitri akkuk yen. Ken fanal ten gidaar masuh namma mitri kee garab akkuk yen. Woo dacayrih yan mari elle soola arac kee Qibaadâ-Qarik afa le kabut raaqa daarat fan akak yawqen goliy Qibaadâ-Qarit afa cabahiyyak fanat, akak taban aracay xexxaarah sidooca mitri yakkehiyya yen.

Yacedkel 41:18

Tohum nakli-tasaawir kee galwa-leemih tasaawirik ten. Too ceeloy galwa lehiyya kee nakli-tasaawir tiiy tii lakal haak, inkih yan qarik adda duuduseenih yenen. Galwa le ceelok kulli tii namma fooca luk yen.

Yacedkel 41:25

Woo gidaarwak bagul akah tan gurrah, Qibaadâ-Qarih afoofil kaadu nakli kee galwa leemih ceelo tasaawirih ten. Akak culan naharsi golih afak iro raqta afak daga le kabut, qunxa aracay qari afal silal qidahiyya yeneeh; too arac akak bicseenim cooxuk ten.

Yacedkel 41:26

A qarik tattabat taagoota ten. Gidaar akak nakli-tasaawirit bilqiseenih yenen. Qibaadâ-Qarih golitte tonnah too tasaawirit bilqiseenih yenen.

Yacedkel 41:3

Tohuk lakal Qibaadâ-Qarik iqiyal yan goli cule. Wokke fanah gexan waqdi, gitah akah gacan arac yimittire. Too arac xexxaarah inki mitri yekkeeh, baguh sidooca mitri yekke. A kabu kee woo kabut kaak tan gidaarwak kulli gidaaraay, masuh sidooca mitri kee garab yekke.

Yacedkel 42:3

Kabuk teenak tu elle xissiime wayta arac yen. Too arac Qibaadâ-Qari gexxa 'yam xexxaarah akkuk yen. Tabna mitri baguh akkuk yen. Kabuk teenak kaadu qalumuk xisen daaratat af cabak yen. Qari akak xissiimem sidiica rankok ten. Kulli rankoy daga raqtahiyya guba raqta rankok qunxuk raaqak ten.