Yacedkel 39:8 - NABUWWA KEE MALIKWA

⁸ Amaatele exce ayro amaateleeh raq matalla. Tahat yabtam yoo YALLAY Mulki lehiyya› » iyye.

Yacedkel 39:8 ပူးပေါင်းရင်းမြစ်များ

Yasaqya 46:10

Sarra takku waytam dumal elle warseh suge. Sarrî-dabaanal takku waytam naharal elle sin iysixxigeh suge. Anu abam faxam akkele ikkal, raq matalla. Abeyyo inxicca excem abeyyo ikkal, fanat akak maasa.

Yacedkel 33:33

Atu keenik inxicca 'tem, raq lem hinna, akkeleemiiy; too saaku nabi ken addat sugem aaxigelon» iyye.

Yacedkel 38:17

YALLAY Mulki lehiyya iyyeemih, «Atu, dumaak Israayilih tooboke inni nabuwwah afat, wakti gufa saaku Israayil marat qeebi aba num ruubeyyo akak exceh suge num kinnito» iyye.

Yacedkel 39:7

Yi migaaqay taahirik yani Israayil ummatay yi ummatah tanihiyyah addal akah yamixxige'nnah abeyyo. Tahak wadir ceele-waa migaq yoh abaanam maqansiisa. Tohuk wadir gersi baaxol yan mari inkih, anu Israayil rasul taahirik yan Dagelta kinniyom yok aaxigelon.

Yacedkel 39:9

Qagseh YALLAY Mulki lehiyya iyyeemih, «Israayil magaaloolih addal tan ummat, carbi silaacay baaxot radehiyya onkossa heenih girâ-bocoh heelon. Tohumuu, qunxa gob kee kaxxa goobwaay, gayseesa kee gaysê-xaylo kee, qeebi edde aban coox kee macaxwa inkih, gaabossa heenih bocoh haysitelon. Too silaacay girâ-bocoh haysiteenihiyya malcina sanatah bocoh dudda ken heele.