Yacedkel 39:6 - NABUWWA KEE MALIKWA

⁶ «Magoog rasu kee baddi afal amaanah xinta ummat elle tan rasut gira ruubeyyo. Too saaku anu YALLA kinniyom kulli num yok aaxigele.

Yacedkel 39:6 ပူးပေါင်းရင်းမြစ်များ

Yasaqya 66:19

Ken fanat asta hee liyo. Garabak teena keenik wadeyyooh, yi migaaqaay yi nabna kee yi qande elle aaxige waan baaxooxay kulli kabu geytintahiyya fan ken ruubeyyo. Ken ruubu waam, Isbaaniyaay Liibiya kee Liidiyah baaxo. Liidiyah mari nagay gaysê-baxa sahdat elli haa inna yaaxige mara kinni. Wohuk kalah ken ruubu waam, Giriik kee Tuubal kee xer baaxoy baddaafal tanihiyya. Oson yi nabna ta marih addal baxxaqiselon.

Ermiyaas 25:22

Suur kee Sayda deqsitta namma magaalah malikwaay, Maditraaniyah badih dariifal ten malikwaay,

Yacedkel 30:16

Masrit gira ruubeyyo. Baslus magaala kaxxam ankikkiqele. Teebes magaalat maroh tan gaso addigillele. Moof magaalat kaxxa umaane akkele.

Yacedkel 30:8

Masri magaaloolit gira ruubu waah, is dacayrih luk sugte qaskar selu waa saaku, YALLA kinniyom yok aaxigelon.

Yacedkel 30:9

Too ayroy Masri finqa yakku waahiyyal, amaanah xiinak suge Kuus marat cube waak sugen cunxo qidu waa farmoytit markabat ruubeyyo. Too ayro xayyowteh taniih; xayuk amaateleeh; cunxo keenit heele.

Yacedkel 37:6

Ramoodaay cadoyta kee arab xagaral siinih gacseyyo. Rooci siinit gacissa heeh aynuwwee sin liyo. YALLA kinniyom too saaku aaxigetton› keenik inxic» iyye.

Yacedkel 38:11

Cato sinni baaxoh maray carbi able weeh, amaanah xiinaah, gaso sinni magaaloolil yanihiyya qeebit tabbixeemil malsetto.

Yacedkel 38:13

Saba kee Dadan deqsita rasuk yemeete mara kee, wohuk kalah, Isbaaniya rasuk yemeete badaaqat aba mari kok iyyu waamah, ‹Qaskar luk amma 'teh qeebi sinaamat akah abtem, duyye keenik buubta'gidi innaa? Dahab kee lakqo kee lac kee duyye buubba hayteh gabat luk gexxam maay faxxaa?› kok axcelon» iyye.

Yacedkel 38:2

«Bani-adantow, Magoog rasuk Mesek kee Tuubal deqsitta namma kedoh abbah yan Goog deqsita numih abina ilaaqaay, kaat takku waytaamat yab.

Yacedkel 38:6

Qeebi abta labhak Goomar kee kilbat le kabuk xer rikel yan Beet-Togarma mari inkih ko'lih yan. Wohuk kalah mango baaxoh mari ko'lih yan.

Yacedkel 39:5

Kaxxa booxak bagul ginaada kok raaqele. Tahat yabtam yoo YALLAY Mulki lehiyya› inxic» iyye.

Qaamus 1:10

Tohih sabbatah Suur magaalah gasoosat gira ruubeyyooh, teetil tan megdebitte girat bayseyyo› iyya» 'yaanam iyye.

Qaamus 1:4

Tohuk gexxaamah malik Cadayel gasot gira ruubeyyooh, malik Banihadad hee megdebittet gira rubbu heeh gombod tet abba heeyyo.

Qaamus 1:7

Tohuk gexxaamah Gaadâ-magaalat maroh tan gasoosat gira ruubeyyo. Too magaalah addal tan megdebittet gira ruubeyyo.

Naacum 1:6

YALLIH naqabuk iyyi soolak raaqaah? Kay bagcarray girah innah urtahiyya iyyi yasseede? Kay naqbi kulli marat girah innah ura. Xeet kay foocal bokokah ballaaqe yakke.

Xafanya 2:11

YALLI akak cunxitan umaane keenil ruubele. Addunyal yan mari yallah le duyyeeya foyya keenik abele. Too waqdi kulli mari, elle aninnaan baaxol, YALLA aqbudele» iyye.

Makaabon 18:7

Toh keenik inxicca 'ye waqdi, woo koona num Laysâ-magaala fanah safarte. Too magaala gufen waqdi, magaala yubleeniih; magaalal yan mari hammi sinnim amaanah elle xiinan inna keenik yismiteenih. Saydâ-marak kaxxih, a magaalal yan mari amaanah yeneeniih; ken xagtam mananna. Oson kaadu xagtan mara luk manannon. Mano keenil muquk teneeh; faxxa haanam inkih luk yenen. Laysâ-magaala, Saydâ marih magaalak xeeruk raaqak teneeh; hebeltô-mara luk heen bica kee qalla luk manannon.