Yacedkel 39:10 - NABUWWA KEE MALIKWA

¹⁰ Too silac girâ-bocoh haysiteloonuuh; tohuk gexxaamah bocô-goranah coox elle yan booxa magexaanaay, garbok bocoh coox mayargiqan. Ken warare mara warareloonuuh, ken buube mara buubelon. Tahat yabtam yoo YALLAY Mulki lehiyya» iyye.

Yacedkel 39:10 ပူးပေါင်းရင်းမြစ်များ

Yasaqya 14:2

Gersi-baaxoh-mari, Israayil marah isi baaxo fan yaduureeni'gidih cato abelon. Tokkel, YALLI isi le baaxol, woo marak labim kee sayim Israayil marih buxaaxih addal taamitelon. Duma Israayil mara qeebit yibbixeh suge mari, ta saaku ken gabat antixibbixele. Tonnal Israayil mari duma keenit xukkutak suge marak reedah amol gacelon.

Yasaqya 33:1

Sinam baysew, woyyow kot takku waytaamow! Ku baati tekkeh masuginna'mmay ahaysa akkele. Sinam ganak sugte'mmay, koo gana mari masuginna. Takkay immay sinam edde ganak ten wakti gaba kalla heeh, sinam koo edde ganta wakti amaateleeh, sinam edde bayisak ten wakti gaba kalla haa waqdi, baati kot akkele.

Yacedkel 39:11

«Toh inkih takku wayta saaku, Rabe Bad deqsita badak ayrô-mawqa le kabut raqta Safarah Gacan-Golo deqsitta goloh addal, Goog elle yaaguqeeni'gidih, arac aceeyyo. Goog kee kay qaskar too aracal aaguqeloonuuh; tohuk lakal sinam tokke safarah magacan. Too arac Goog le Mango Qaskarih Golo deqsitele.

Miika 5:8

Israayil maray saaboh raaqehiyya marin baaxooxal marin marih addat, lubookay garboh addat raarissa akkelon. Illi addat radde lubookah innah, maasayya maasayyah ken kuramkurelon. Too illi lubak afak cattam akah ane wayta innah, Israayil marak ta mara cattu waytam matana.

Cabakkuk 2:8

Mango baaxoh mara buubteeniih, mango baaxoh mara qidden. A saaku too marak saaboh raaqe mari sin buubele. Tah siinit akah takku waytam, sahdat abak sugten qidim kee baadal enna 'ya mara kee baadal enna 'ta magaaloolit abak sugten dirki kee umaaneh sabbata.

Cabakkuk 3:8

YALLAW, nasri geysissa'gid farasah qambur luk sugte. Macâ sabbatah tinqibeh? Weeqaytu faxe waak sugtee? Badak waagissem luk sugtee?

Zakariyya 14:14

Yuudâ mari, Yarusalaam marat qeebi aba marat qeebi abelon. Keenik dariifal tan ummat luk sugga 'te duyye keenik buubeloonuuh; mango dahab kee lakqo kee sartan keenik beelon.