Yacedkel 38:9 - NABUWWA KEE MALIKWA

⁹ Koo kee ku qaskar kee, wohuk kalah, mango baaxok yemeete mari sin lih gacca 'yeh, caacoh innal, ken wararetton. Inkih tan baaxo qamburreh innah buuletton» iyye.

Yacedkel 38:9 ပူးပေါင်းရင်းမြစ်များ

Yasaqya 25:4

Baaciteeh yossomme marah reebu kinnito, Dageltaw. Gadaama kaa tabbixe way gabat tu sinni miskintuh reebu kinnito, Dageltaw. Too maray ayro carrissah caaco kee rob qayyaawise, reebissah, ken silaalissa. Xuwaw maleelah umaane kaxxa caacoy xeet taggileh inna le'mmay tu mabahta.

Yasaqya 28:2

Dagelti gabat lem oobbeya. Qande le celemiy kuwwat le, atkaay qeebi keenit aba'gid gabat leeh; bical yabbixeh yan. Usuk mamaata abu waa saaku, arroqley kaxxam gibdih gurrah, kullim bayissa caacoh innah, kullim duufut beya weeqi'nnah, amaatele, gufele tokke. Toh inkih baaxol oobisele.

Yasaqya 5:28

Gayse kee gaysê-xaylo qeebi edde aboonuh bical tan. Gaysê-xaylo keenik af le. Ken faariisih ibitte gibdah qado-xeetih inna le. Ken faariisa beyta gaariira qaana fuluk haak tamaate.

Ermiyaas 4:13

Naqboytit, qamburre qaraanal elle tamaate innal, tamaateh tan! Oson qeebi edde aban faaris, baaxok bagul fuluk axcuk gexxa caacoh innal, yamaate. Ken faras sissikaaneh qawiytak umah. Too saaku ummat: «Ahaysa baati nee tibbixeh! Nim tekkeh!» axcelon.

Yacedkel 13:11

Ama nabuwwa akak iyyan marak, ‹Kaxxa roobuy arroqle lehiyya ruubeyyoh; caaco ruubeyyo. Too rob kee caaco gidaar siinik aggilele› keenik inxic.

Yacedkel 30:18

Masri mari kaxxam edde akkaluk suge qande keenik bayisu waah, Masri mara maqar cabsiisu waa saaku, Tacfancis deqsitta magaalal dite radeleeh; qamburret buulumele. Tet mandarittel enna 'ya mara inkih seewah beelon.

Yacedkel 38:16

Yi Israayilih ummatat caacoy baaxok baaxo gexxah innah, elle temeete innaak qeebi abetto. Sarrah yan dabaanah, yi baaxo tabbixe'gidih, koo ruubeyyo. Toh akah abu waam, raqqa 'te baaxooxah mari yoo yaaxige'gidiiy, tonnah kaadu, kol baahu waamak gexxaamah, taahirik yan Dagelta kinniyom yok yaaxigeeni'gidi» iyye.

Daaniyel 11:40

« ‹Ellecabô-wakti xayyoowa waqdi, Masri malik qeebi kaat abeleeh, too waqdi Suuriyah malik gaariira kee faariisa kee mango maraakib haysitta heeh kaa'lih aamele. Mango baaxo weeqi'nnah duufut beyak wararele.

Ayyuqel 2:2

Too ayro baaxol data qamburreey gaanibiy kaxxa dite le radele. Casri sinni qanaytuy baaxol oobehiyyak gexxaamah, qaleeli amballayuk maraaqa. Tah duma akke wayteeh, sarra akke waytu waytam kinni.