Yacedkel 38:21 - NABUWWA KEE MALIKWA

²¹ Googul umaaneh innah tanim baaheyyooh, akak cunxitta 'ya umaane kaal ruubeyyo. Taham intam yoo YALLAY Mulki lehiyya. Kay mari qeebih tittal aduureleeh seefit titta qidelon.

Yacedkel 38:21 ပူးပေါင်းရင်းမြစ်များ

2 Aydaad 20:23

Qammon kee Mooyab qaskar Edom qaskarat qeebih gexxa 'teeh bayissa ken heen. Tohuk wadir qeebih tittal ufkunna iyyen. Ibak gibdi qeebi tittat aben.

Yasaqya 66:16

Addunyal eneyya iyya mara gira kee seefit digaalele. Mango mara keenik qidele.

Ermiyaas 25:29

Ama magaalay yi migaq addal akak yanihiyyat baati ruubam qimbisek, hay, isin gersi maraw, digaalak cattiimettoonum maay akkaluk sugten? Digaala raq siinik matallaay; carbit sin selu waa mara siinit ruubeyyo. Addunyâ bagul yan marak inkih toh abu waama. Tah intam yoo Nabaamak Naba YALLA› 'yaanam keenik inxic» yok iyye.

Yacedkel 14:17

«Hinnay kaadu, too baaxol carbi ruubeh, saq kee ummat akah tambaxe innah, kullim duufut beya silac ruube yoo tekkek, too saaku

Caggay 2:22

Too saaku marin doolatwa deerik afah korseyyo. Luk suggu 'yen qande keenik bayseyyo. Carbi edde aban gaariira kee woo faras-gaariira beya mara kombobboliseyyo. Faroosa kee faroosah amot yan mari rabeleeh; seefit titta selele.

Zakariyya 14:13

Too ayro too marat YALLI badit kee meysi ruubeleeh; tohuk gexxaamah kulli num isik cuggaaneh aninnaan numut qeebi abele.

Makaabon 7:22

Gidqoon mari yakkeemiik sidiica boolih baanta yoogoren waqdi, YALLI, Miidiyan mara qeebi tittat ken yuyfukuneeh, seefit titta qiden. Too mari tokkeek aben kudmah, Dareeda deqsita rasuk Beet-Sitta deqsitta magaala kee, Aabil-Macoola deqsitta magaala dariifal tan baaxoy Tabaaqot deqsitta magaalat xayuk raqtahiyya fan yoowwen.

1 Samuwel 14:20

Sarrak kaa kee kay qaskar, Filistiin-maray inkitanuuk baditeeh isinni kee isinnih qeebi tittat abahiyya fan gexen.