Yacedkel 37:25 - NABUWWA KEE MALIKWA

²⁵ Dabaaqah, yi naqasuh yan Yaqkuubuh ecee baaxoy oson akak raden ken kaxxa abbobti duma elle sugtel gacelon. Tokkel keeniiy ken xaylo kee ken ramad guubuh gacele. Too rasi kulli way kenim akkele. Yi naqasu Malik Dawud innah yan malik tokkel ken xiinisele. Kulli way abbah keenik waarele.

Yacedkel 37:25 ပူးပေါင်းရင်းမြစ်များ

2 Samuwel 7:13

Qibaadâ-Qari yoh xissu waytam, ku xaylok too numu. Kay reeda baxak baxal akah raqta'nnah abeyyo.

2 Samuwel 7:16

Ramad kok mabayaay, ku ramad kee ku doolat elle raaqeleeh, kulli way waarele› kaak inxic» iyye.

Yasaqya 11:1

Yiisak rade maray malikwâ-nasab le, yirgiqen caxah buxuxih bis aallele. Takkay immay woo yirgiqen caxah buxuxuy saaboh raaqehiyya saadeleh, caxah-ramiidak luddi awqele. Yiisak rade marak qusba malik tonnal awqele.

Yasaqya 30:19

Isin Yarusalaamal yan marak ahaysa ruffa inteenih maweqtan. Yalla kallactan waqdi, siinih amqeleeh; cato kaal essertan waqdi, sin catele.

Yasaqya 55:4

Dawud baadal-tan-ummattah yi-sumaq kaa abeeh, ummatta inkih miraacisaah ken amrisa num kaa abe.

Yasaqya 60:21

Ummatta cakkik-tan-taamah taamitele; baaxo kulli way kenim akkele. Liyoh an qax-maqaane keenil elle tambulle'gidih, ken bicisseeh ken daabissem yoo.

Yasaqya 66:22

«Qusba qaran kee baaxoy away abu waahiyya yi foocal digga luk elle tani'nnal, sin migaq kee siinik radu waa mari yi foocal digga baahele.

Ermiyaas 30:3

Macaay intek, Israayil kee Yuudâ-maray yi mara kinnihiyya ken baaxoh edde gacisu waa ayroora amaatele. Ken kaxxa abbobtih ikoytah ecee baaxo fanah ken gacseyyooh; ken baaxo keenih gacseyyo. Tahat yabtam yoo YALLA› 'yaanam kaak iyye.

Ermiyaas 30:9

Yoo YALLAY ken Dagelta kinnihiyya kee, Dawuduk rade numuy anu malik abu waahiyyah taamat gacelon.

Ermiyaas 31:24

Ahak wadir ummat Yuudâ-rasu kee tet addal tan magaaloolil inkih dabaaqah titta lih gacele. Buqre-aba mara kee illit duwah yan mari titta lih dabaaqah gacele.

Ermiyaas 32:39

Inkih, inkim edde aboonu waan kas keenit heeyyo. Toh macaay intek, isinni kee isinni xayloh taagah, kulli way dibuk yoo edde yaqbudoonu waan afqado keenit heeyyo.

Ermiyaas 32:41

Keenih aba maqaane ruffu yoo heele. A rasuk way akah aarre waan innah, nagay yan daabisiyya keenit abeyyo. Tahamaay, keenih liyoh an xuwaawah abu waama.

Yacedkel 28:25

YALLAY Mulki lehiyya iyyeemih, «Israayil ummat fixixih elle abbixe baaxooxak gacseyyo. Addal keenik anu waa waqdi, woo baaxooxah mara Kudduus kinniyom aybulleeyyo. Israayil mari isi baaxoy anu yi naqasuh yan Yaqkuubuh eceehiyya fan aduurelon.

Yacedkel 34:24

Yoo YALLAY Mulki lehiyya, innih, ken dacrisa Dagelta akkeyyooh; Malik Dawud innah yan malik ken xiinisa'gidih abba keenik abeyyo. Taham exceh, edde maqagita.

Yacedkel 36:28

Sin kaxxa abbobtih ecee baaxol nooketton. Yi mara akkettoonuuh; sin Dagelta akkeyyo.

Yacedkel 37:21

Sarrak keenik intaamah: YALLAY Mulki lehiyya iyyaamah, ‹Israayil mara elle gexen baaxok bahha heeh, tittal ken kobxissa heeh ken baaxo ken gacseyyo.

Yacedkel 37:24

Yi naqasuh yan Dawud innah yan malik, malik keenik akkele. Inki loynaytih gubat xiineloonuuh, yi amri kee yi xinto intam digga luk duuduselon.

Yacedkel 37:26

Anu qahdi ken lih haysiteyyooh, too qahdi amaanah ken xiiniseyyoomuh digga keenih akkele. Ken xiseyyooh, ixxima keenik aymaggeyyooh; inni Qibaadah-Qariy tokkek way kate waahiyya too baaxol heeyyo.

Yacedkel 44:3

Takkay immay ummatak abba yi foocal taahirroysen-gaqambo yakme'gidih, wokkel daffeyu duudah. Culma akak culan naharsi goliik culmah afak culla bukka 'yam duudah» iyye.

Ayyuqel 3:20

Rabe marih cane gacseyyo. Umaane abe marat macaba. Takkay immay, Yuuda kee Yarusalaam mari, adok ado fanah isi dabaq macaba. Yoo YALLAH tu gactekiiy Siyon Qalel gaceyyo» iyye.

Qaamus 9:15

Israayiliy yi ummatah tanihiyya dumaak ikoytah keenih ecee baaxo gacissa ken heeh, dabaaqah ken elle daabiseyyo. Tohuk wadir tokkek mayarraanaay elle anelon. Tahat yabtam yoo YALLAY sin Dageltah yani» 'yaanam iyya.

Zakariyya 10:7

Israayil mari carbil celeema akkele. Qinabak bicsen kamri yooqobe marih innah farcaanak gacelon. Keenik rade mari taham kassiteleeh; too waqdi YALLI ken kaxxa abbobtih xiqem kassitak ruffu axcelon.

Zakariyya 14:11

Yarusalaam magaala tahak wadir mabaataay; ummat tet addal amaanah xiinele.

Zakariyya 8:8

Yarusalaamal ken nookiseyyo. Yi mara akkeloonuuh, anu amo keenik wagta Dagelta keenih akkeyyo. Qadaalat leeh, digga le xintoh ken xiiniseyyo.