Yacedkel 36:35 - NABUWWA KEE MALIKWA

³⁵ Tah yabalu waa mari, ‹A baaxoy bacari tekkeh sugtehiyya a saaku Qadan bustaan celteh tan. A magaalooliy buubba heenih bututtukku heenih abur abeenih cabeenihiyya, a saaku ummat elle gacteh taniih gasoosa maroh leh tan› axcelon.

Yacedkel 36:35 ပူးပေါင်းရင်းမြစ်များ

Yasaqya 51:3

Macaay inteenik, Siyon-magaalay abuuruh raqtehiyyah xuwaaweyyooh, niqmatak tan baaxo abeyyo. Bacari tekkeh sugte baaxo, Qadanal anu innih uysubuke bustaanih innah, gacele. Too waqdi ummat ruffu axceleeh africele. Yoo fayliseloonuuh, candu yoh gacselon.

Yasaqya 62:4

Ahak wadir maaqilen magaala kok m'iyyan; ku rasuk abuuruh raaqe rasu 'yaanam m'iyyan. Ku migaq «Yalli ruffu akak iyya magaala» deqsitele; ku rasih migaq «Meqe rihimih rihimte barra» deqsitele. Macaay intek, YALLI isih baqli bis koh aallele.

Ermiyaas 33:12

YALLAY Nabaamak Nabahiyya kaadu qagseh iyyemii, «Ta baaxoy a saaku bacari tekkeeh, num kee lac elle deedaltam tableenihiyyal, ahak sarra lac elle yaloole qayso aabukele. Wadar kee illit duwah yan mari cayiseh ken orbisele.

Ermiyaas 33:9

Yarusalaam anu rufto kee kunnaba kee migaq-gexxo elle geya magaala akkele. Kulli baaxoh mari, anu Yarusalaam marah abe maqaane kee Yarusalaamal yan mara gaddaleela elle abe'nna yaabboonu waan waqdi, hagga axceloonuuh axaxitelon» 'yaanam iyye.

Yacedkel 28:13

Qadan bustaanay Yalli isim abehiyyah addal sugte. Qax amqinnaan luul qax koo yeymeeqe. Qisi kee anxaxinan kee kuclinan kee walqin bisu le bila xagaral le sartanat sugte. Dahabak bicsen duyye bilqah xagaral luk ten. Koo bicsen saaku, too duyye koh yeceen.

Yacedkel 31:9

A caxa, yooy YALLAH yani Qadanay yi bustaan elle sugehiyyal uysubuke cooxuk, ludwa kee qaxah lafitta inte. Anu qaxa tet eymeeqe.

Yacedkel 36:34

Duma buqre elle abak tenen baaxoh xaquk, gitah gaca mari woo buqre baatem abaluk sugen. Ahak wadir woo arooca abqurettonuuh, daro elle aysubuketton.

Yacedkel 37:13

Kabri adda siinil fakkaay sin eyyeqqa heeh, sin baaxo sin gacisu waa saaku, yi maraw, YALLA kinniyom yok aaxigetton.

Ayyuqel 2:3

Ta qanayti, cafit gexxa gira kafin caxa elle selta innal, baaxol tanim sela. Foocat keenik tan baaxo Qadan bustaanih inna le. Salafat keenik raqta baaxo, caxa elle aabuke wayte bakarroyta celta. Tu matasillima.