Yacedkel 36:28 - NABUWWA KEE MALIKWA

²⁸ Sin kaxxa abbobtih ecee baaxol nooketton. Yi mara akkettoonuuh; sin Dagelta akkeyyo.

Yacedkel 36:28 ပူးပေါင်းရင်းမြစ်များ

Ermiyaas 24:7

Anu yoo edde yaaxigen kas keenih aceeyyooh, tohuk wadir isinnih yoo aaxigelon. Yi mara akkeloonuuh, anu kaadu ken Dagelta akkeyyo. Macaay inteenik, oson tikka 'yaanamaak yol aduurelon.

Ermiyaas 31:1

YALLI iyyemii, «Too dabaanal Israayilik radde kedooda yi mara akkeloonuuh, anu amo keenik wagta Dagelta keenih akkeyyo. Tah intam yoo YALLA» 'yaanam iyye.

Ermiyaas 31:33

Tamaatu wayta ayroorat Israayil mara lih haysitu waa qahdi ah kaana. Inni xinto bagut keenik haak, afqadol keenik aktubeyyo. Anu ken Dageltah aniyooh, oson kaadu yi mara akkelon.

Ermiyaas 32:38

Tohuk lakal oson yi mara akkeloonuuh; anu kaadu ken Dagelta akkeyyo.

Yacedkel 11:20

Too saaku yi xinto oggoletton. Anu aba axcem abetton. Isin yi mara akkettoonuuh; anu sin Dagelta akkeyyo.

Yacedkel 14:11

Toh akah abu waam, Israayil mari yok axxeere waa'gidiiy, dambik gexxaamah isinni nabsi nadaasa abe waana'gidi. Tahaysa oson yi mara akkeloonuuh; anu ken Dagelta akkeyyo. Tahat yabtam yoo YALLAY Mulki lehiyya» iyye.

Yacedkel 28:25

YALLAY Mulki lehiyya iyyeemih, «Israayil ummat fixixih elle abbixe baaxooxak gacseyyo. Addal keenik anu waa waqdi, woo baaxooxah mara Kudduus kinniyom aybulleeyyo. Israayil mari isi baaxoy anu yi naqasuh yan Yaqkuubuh eceehiyya fan aduurelon.

Yacedkel 34:30

Israayil ummat dacrissam yoo kinnim kulli num aaxigeleeh; oson yi mara kinnoonum kulli num aaxigele. Tahat yabtam yoo YALLAY Mulki lehiyya.

Yacedkel 36:10

Israayil ummatey, sin aymaggeyyooh, magaalooli fan sin gacseyyo. Tiddigille qarwa nammeyhaak xisetton.

Yacedkel 37:23

Tohuk wadir, anu niqibyo xeet kee cooxuk bicsen duyyeh qibaada kee, dambi abittot nadaasa isinni maaban. Yoo hawwenna heenih abak sugen dambik qafu keenih axceyyo. Ken taahirroyseyyooh; yi ummat akkeloonuuh, anu ken Dagelta akkeyyo.

Yacedkel 37:25

Dabaaqah, yi naqasuh yan Yaqkuubuh ecee baaxoy oson akak raden ken kaxxa abbobti duma elle sugtel gacelon. Tokkel keeniiy ken xaylo kee ken ramad guubuh gacele. Too rasi kulli way kenim akkele. Yi naqasu Malik Dawud innah yan malik tokkel ken xiinisele. Kulli way abbah keenik waarele.

Yacedkel 37:27

Innih ken addal gaceyyo; innih ken Dagelta akkeyyooh, oson kaadu yi mara akkelon.

Yacedkel 39:28

Too waqdi yi mari anu YALLAAY; ken Dagelta yoo kinnim aaxigelon. Ah elle yaaxigoonu waanam, duma innih seewah ken ruubeeh a saaku wadir gaabossa ken heeh, num keenik cabe'kal, inkih ken rasu ken gacsaamal yok aaxigelon.

Hosiqa 1:10

YALLI iyyeemih, «Takkay immay Israayil mari loowo akak duudume waytah gide akkeloonuuh; mangah baddi-afih qiddeh gide akkelon. Anu, ‹Yi mara hinniton› keenik elle exce ikkel, wadir inni mara ken abeyyooh, Yallay waarahiyyah xaylo akkelon.

Zakariyya 13:9

Too maray saaboh raaqu waahiyya yakke mara keenik able'gidih, dahab kee lakqo girat elle yasiffiyen innah, girat asiffiyeyyo. Tohuk lakal dooqah gaba yol ruubelon; anu too dooqa keenik oggoleyyo. Yi mara kinnoonum keenih warseyyooh; oson kaadu ‹Atu ni Dagelta kinnito› axcelon» iyye.

Zakariyya 8:8

Yarusalaamal ken nookiseyyo. Yi mara akkeloonuuh, anu amo keenik wagta Dagelta keenih akkeyyo. Qadaalat leeh, digga le xintoh ken xiiniseyyo.