Yacedkel 36:27 - NABUWWA KEE MALIKWA

²⁷ Inni Roocaaniyya siinit heeyyo. Siinil ecee amri kee madqa duudusa mara sin abeyyo.

Yacedkel 36:27 ပူးပေါင်းရင်းမြစ်များ

Yasaqya 59:21

YALLI qagseh iyyaamah, «Dambik toobite mara lih haa qahdi ah kaana: inni baritto kee inni Roocaaniyya kot haa. Tonna leemiik tahak wadir ellecaboh ayro fanah, kooy ku xaylo kee keenik radu waa mara kaadu yi baritto oggolettoonuh, barsetton. Taham intam yoo YALLA» iyyah yan.

Ermiyaas 31:33

Tamaatu wayta ayroorat Israayil mara lih haysitu waa qahdi ah kaana. Inni xinto bagut keenik haak, afqadol keenik aktubeyyo. Anu ken Dageltah aniyooh, oson kaadu yi mara akkelon.

Ermiyaas 32:40

Hawwensime waa qahdi ken kee inni fanal heeyyo. Maqaane keenik mayseediya. Yok meysita mara ken abeyyooh, tohuk wadir darre yot macaban.

Yacedkel 11:20

Too saaku yi xinto oggoletton. Anu aba axcem abetton. Isin yi mara akkettoonuuh; anu sin Dagelta akkeyyo.

Yacedkel 37:14

Inni ufuy siinit heeyyo. Rooci siinit gacseyyo. Tohuk lakal isinni baaxol dabaaqah gacetton. Too saaku yooy YALLAH yani abeyyo iyyam duudusa Dagelta kinnim yok aaxigetton. Tahat yabtam yoo YALLAY Mulki lehiyya› keenik inxic» iyye.

Yacedkel 37:24

Yi naqasuh yan Dawud innah yan malik, malik keenik akkele. Inki loynaytih gubat xiineloonuuh, yi amri kee yi xinto intam digga luk duuduselon.

Yacedkel 39:29

Israayil marat inni Roocaaniyya heeyyo. Tahak wadir darre keenit macaba. Tahat yabtam yoo YALLAY Mulki lehiyya» iyye.

Yacedkel 43:11

Abba heenimit wacarriyaanam tublek, tonnal Qibaadâ-Qari elle yani'nnah adda ken uybullay. Xisne elle aben innaay, culma kee mawqa akak tan kabuuy, ceelok le innaay, tet xinto kee bici elle yani'nna keenih waris. Tah inkih uktubba haay keenih acuy. Tonnal kullim elle tani'nna aaxige loonuuh, xinto intam abelon.

Zakariyya 12:10

«Dawuduk rade mara kee Yarusalaam marat racmatta tacee roocaaniyya heeyyo. Dooqa ken absissa roocaaniyya keenit heeyyo. Yooy mudeenihiyya wagtoonu waan waqdi, inki baxa xale num woo baxih rabah rookah yassaalle'nna assaallelon. Naharsi-baxi akak rabe num kaxxa weeqah elle weeqa'nnal weeqelon.