Yacedkel 35:5 - NABUWWA KEE MALIKWA

⁵ «Isin dumaak Israayil ummatah qaduwwih sugteeniih; Israayil ummat isih bahte dambih digaala keenil temeete saakuy kaxxa gadaamat sugeenihiyya, isinni le kabuuk ken qidaana'gidih absissen.

Yacedkel 35:5 ပူးပေါင်းရင်းမြစ်များ

Ermiyaas 18:21

Tahaysa, YALLAW, xaylo keenik qulul gadda ab. Carbit ken sel. Agabu keenik xalay-maleela kee gubun ab. Labha keenik dalkat selli hay; furrayna carbit keenik sel» 'yaanamat emeete.

Yacedkel 21:25

«Uma-taama kee nadaasat baye Israayil abbaw, ellecabol digaala kot edde takku wayta wakti xayyooweh.

Yacedkel 21:29

Tableenim deedala wacyi. Akkele intaanam diraaba ikkal takkem hinna. Umeynit kinniton; uma taama sinimi. Ellecabo digaala siinit takkuh, kabba 'teh tan. Filla siinik edde yargiqoonu waan seef yan.

Yacedkel 25:12

YALLAY Mulki lehiyya iyyaamah, «Edom-mari Yuudâ-maral canê-gacsah umam baaheeh; too umaaney oson canê-gacsah abeenihiyya, Edom maral ken cabe wayta umaane tekke.

Yacedkel 25:15

YALLAY Mulki lehiyya iyyaamah, «*Filistiin mari, mango dabaanah naqboytiitih keenik sugen Israayil maral, canê gacsah kaxxam umam baaheeniih, keenih lon naqabuh ken seleenih.

Yacedkel 35:12

Isin kaadu ken burutak, ‹Israayil qaleela niimiiy; abuuruh raqteeh, ni gabal gacte› axcuk, yabteenim siinik oobbem aaxigetton.

Yacedkel 36:5

«Yoo YALLAY Mulki lehiyya dariifal tan baaxooxah mara luk naqabut yaabah aniih, axcihiiy Edom lih naqabut yaaba. Yi baaxo been saaku farcatah rabakaay, iyyi maca nek abele 'yaanamah beeniih, saqi elle yaloole arooca isinnih haysiten.

Yacedkel 7:2

«Bani-adantow, yoo YALLAY Mulki lehiyya Israayil rasih giddinaamak iyyam ankacis: Ken ellecabo xayih! Inkih tan baaxoh baati edde takku wayta wakti xayyooweh yan» yok iyye.

Daaniyel 9:24

Ku magaalay taahirik tani kee ku ummattah, waktik malcina-tabanih waqdi malciin-gide keenih yeexege. Too waktih addat Yalli aben umaane kaleleh, dambi cabeleh, amri-cinak qafu abele. Tonnah kaadu, way kate sinni qadli gaceleeh; yublen suwaawur kee akkele akak inxicca 'yeenim inkih nummak maaciseleeh; taahirik tanim askutelon.

Qaamus 1:11

Kaadu qagissa heeh iyyemii, «Aham YALLI iyyaama. ‹Edom mari fiiruk geerah dambi le taama abeenih; tohuk gexxaamah ken digaaleyyom digga le. Israayil ummatay ken toobokoh tanihiyya admoh qidan dubaalih gurral qiden. Racmatta sinni qidimih ken qiden. Way cabe waan naqabu afqadot keenih heen.

Qaamus 1:6

Kaadu qagissa heeh iyyemii, «Aham YALLI iyyaama. ‹Gaadâ-mari fiiruk geerah dambi le taama abeenih; tohuk gexxaamah ken digaaleyyom digga le. Inkih yan ayyunta seewah beenih, Edom maral naqoosah ken yeylemmen.