Yacedkel 34:28 - NABUWWA KEE MALIKWA

²⁸ Irô baaxoh mari ahaysa ken mabuuba. Ahaysa alluwwa ken maqiddaay ken matakma. Sahda ken mameysissay, ahaysa amaanah xiinelon.

Yacedkel 34:28 ပူးပေါင်းရင်းမြစ်များ

Yasaqya 32:18

YALLIH mari isi buxal cisaabak amaanah xiineleeh; gadaamak affoofele.

Ermiyaas 30:10

«Tonna kinnuk, Yaqkuub xayloy yi naqoosay, mameysitinay; Israayil ummatey, niya siinik addigille waytay. Tahat yabtam yoo YALLA. Ama xer baaxoy elle taniinik sin ayyaaqeyyo. Casbi gurrah elle tanin baaxok siinik radu waa mara ayyaaqeyyo. Isinni baaxo fan aduurettoonuuh amaanah xiinetton. Num sin maxagaay sin mameysiisa.

Ermiyaas 32:37

Duma abeh an bagcarrah ken fixixiseyyooh, baaxo ken cabsiiseyyo'mmay, wadir gaabossa ken heeh, a baaxo ken gacseyyo. Akke gacissa ken heeh, tohuk wadir amaanah ken xiiniseyyo.

Ermiyaas 46:27

«Yaqkuub xayloy, yi naqoosay, mameysitina. Israayil ummatey, niya siinik addigille waytay. Ama xer baaxoy elle taniinik sin ayyaaqeyyo. Casbi gurral elle tanin baaxok siinik radu waa mara ayyaaqeyyo. Isinni baaxo aduurettoonuuh, amaanah sin xiiniseyyo. Num sin maxagaay sin mameysiisa.

Yacedkel 34:25

Ken amo amaanah akah xinta'nnah, inni kee ken fanal xagana haysiteyyo. Ken baaxol enna 'ta alluwwa bayseyyo. Tonnal yi illi inkih meysi maleh bacarih tan baaxo kee garboh addal amaanah xiineleh dacrele» iyye.

Yacedkel 34:29

Qidinnaan daro elle taabuke baaxo keenih aceeyyooh; ahaysa maqululan. Irô baaxoh mari anqaasah af keenil maraqeeqisa.

Yacedkel 34:5

Illi loyna luk masuginnaay, tohih sabbatah fixixih yan. Tonna-leemiik alluwwa qiddem kee tokmem yekke.

Yacedkel 34:8

Yi illi duweena weeh, kulli num kaa haysiteeh alluwwâ gadda yekke. Yi illit duwah yan mari kaa madacrisinnaay amo kaak mawagtinnay; isi amoh dacayrih raaqe.

Yacedkel 36:15

Tahak wadir a baaxo ummat makot mabeytaay; sahda anqaasah elle rabtaah, ummat burah af elle raqeeqissa baaxo matakka. Tahat yabtam yoo YALLAY Mulki lehiyya» iyye.

Yacedkel 36:4

Tonna-leemiik dariifal yan mari elle anqaasaah buuben qaleelaay koomaamiiy, daqooruuy, gololwa kee abuuruh raqte aroocaay, tonnah kaadu, abur aben magaalooliy, takkeenimiik, yoo YALLAY Mulki lehiyya siinik axcem oobbeya.

Yacedkel 39:26

Anu taahirik yan Dagelta kinniyom sahda aybulle'gidih, inni mara naqboytit lih elle yanin aracak ayyaaqeyyo. Ahak sarra isinni baaxoy num ken elle meysiise waahiyya uduurra 'yeenih amaanah xiinoonu waan saaku, duma yok yexxeereenim kassa haan waqdi wacarriyelon.

Hosiqa 11:11

Masrik kimbir innah haadak, yoo fan amaatelon. Assuuriyah rasuk kukkurruh innah, sissikuk yol aduurelon. Ahak sarra ken baaxo ken gacseyyo. Tahat yabtam yoo YALLA» iyye.

Qaamus 9:15

Israayiliy yi ummatah tanihiyya dumaak ikoytah keenih ecee baaxo gacissa ken heeh, dabaaqah ken elle daabiseyyo. Tohuk wadir tokkek mayarraanaay elle anelon. Tahat yabtam yoo YALLAY sin Dageltah yani» 'yaanam iyya.

Xafanya 3:13

Israayil ummatak saaboh raaqe mari tahaysa sahdal umam mabaaha. Diraabat mayaabaanaay, sahda maduquurusan. Yakmeeniih yaaqubeenim ken mawaysiisa. Ken xagtam matanaay, numuk mameysitan» 'yaanam iyya.

Zakariyya 8:12

Awayî-mari isi buqre amaanah abqurele. Qinab coox mango xaylo keenih xalele; baaxol mango daro keenih aabukeleeh, qaraanak rob radele. Ahaysa yi marak raqte saaboh too niqmat aceeyyo.