Yacedkel 34:24 - NABUWWA KEE MALIKWA

²⁴ Yoo YALLAY Mulki lehiyya, innih, ken dacrisa Dagelta akkeyyooh; Malik Dawud innah yan malik ken xiinisa'gidih abba keenik abeyyo. Taham exceh, edde maqagita.

Yacedkel 34:24 ပူးပေါင်းရင်းမြစ်များ

Yasaqya 55:3

Yi ummatey anu axcem ankacisaay yi fan ama; rooci siinik waara'gidih ankacisa. Waara xagana sin lih heeyyooh, Dawuduh qahdi akah cule kacanuy digga lehiyya siinit heeyyo.

Yasaqya 55:4

Dawud baadal-tan-ummattah yi-sumaq kaa abeeh, ummatta inkih miraacisaah ken amrisa num kaa abe.

Ermiyaas 30:21

Keenih yooboke mara, abbobtih keenik abeyyo. Saqalah ken marih num keenih heeyyo. Too num innil xayyooseyyooh; yol xayyoowele. Anu innih xayyoose wee num yol xayyoowu mayalliila. Tonna leemiik isin yi mara akkettoonuuh, anu amo siinik wagita Dagelta siinih akkeyyo. Tahat yabtam yoo YALLA» 'yaanam iyye.

Ermiyaas 30:9

Yoo YALLAY ken Dagelta kinnihiyya kee, Dawuduk rade numuy anu malik abu waahiyyah taamat gacelon.

Ermiyaas 31:1

YALLI iyyemii, «Too dabaanal Israayilik radde kedooda yi mara akkeloonuuh, anu amo keenik wagta Dagelta keenih akkeyyo. Tah intam yoo YALLA» 'yaanam iyye.

Ermiyaas 31:33

Tamaatu wayta ayroorat Israayil mara lih haysitu waa qahdi ah kaana. Inni xinto bagut keenik haak, afqadol keenik aktubeyyo. Anu ken Dageltah aniyooh, oson kaadu yi mara akkelon.

Ermiyaas 32:38

Tohuk lakal oson yi mara akkeloonuuh; anu kaadu ken Dagelta akkeyyo.

Yacedkel 20:5

Keenik intaamah: YALLAY Mulki lehiyya siinik iyyaamah, Anu Israayil mara doore saaku, qahdi keenih cule. Masri rasul inni ken uybulle. Keenik exceemih: ‹Yaqkuubuk rade maraw, anu YALLAY sin Dagelta kinniyo› keenik exce.

Yacedkel 20:7

ama xeet kee cooxuk bicsen duyyey taqbudeenihiyya wonnah baaxot qida› keenik exceeh; ‹Sin Dagelta yook, Masri mari yalla axcuk yaqbude duyye maqbudinaay nadaasa isinni maabina› keenik exce.

Yacedkel 21:27

Baati temeeteh! Finqi yemeeteh! Ahaysa akah tani'nna bayseyyo. Takkay immay too baati, dardaarinnah doore num yamaatem fanah sugele. Usuk yamaatu waa saaku, too dardaarinna kay gabal heeyyo› 'yaanam iyya.

Yacedkel 36:28

Sin kaxxa abbobtih ecee baaxol nooketton. Yi mara akkettoonuuh; sin Dagelta akkeyyo.

Yacedkel 37:22

Israayil baaxoh qaleelal inki doolat ken abeyyo. Ken titta lih xiinisa malik aallelon. Ahak wadir namma doolat mayakkan. Ken doolat namma'kkel makurrunta.

Yacedkel 37:23

Tohuk wadir, anu niqibyo xeet kee cooxuk bicsen duyyeh qibaada kee, dambi abittot nadaasa isinni maaban. Yoo hawwenna heenih abak sugen dambik qafu keenih axceyyo. Ken taahirroyseyyooh; yi ummat akkeloonuuh, anu ken Dagelta akkeyyo.

Yacedkel 37:24

Yi naqasuh yan Dawud innah yan malik, malik keenik akkele. Inki loynaytih gubat xiineloonuuh, yi amri kee yi xinto intam digga luk duuduselon.

Yacedkel 37:25

Dabaaqah, yi naqasuh yan Yaqkuubuh ecee baaxoy oson akak raden ken kaxxa abbobti duma elle sugtel gacelon. Tokkel keeniiy ken xaylo kee ken ramad guubuh gacele. Too rasi kulli way kenim akkele. Yi naqasu Malik Dawud innah yan malik tokkel ken xiinisele. Kulli way abbah keenik waarele.

Yacedkel 37:27

Innih ken addal gaceyyo; innih ken Dagelta akkeyyooh, oson kaadu yi mara akkelon.

Yacedkel 39:22

Israayil mari tohuk wadir YALLAY ken Dagelta kinniyom yok aaxaguk raaqele.

Yacedkel 44:3

Takkay immay ummatak abba yi foocal taahirroysen-gaqambo yakme'gidih, wokkel daffeyu duudah. Culma akak culan naharsi goliik culmah afak culla bukka 'yam duudah» iyye.

Yacedkel 45:7

Baaxo xiinisah yan abbah kaadu baaxo tantacawweemi. Too baaxo, taahirik tan baaxo kee magaala elle xisoonu waan baaxo edde taade ikkek xabba haanamaay, ayrô-culma le kabul Maditraaniyah badah amma 'yaanam kee, magaala kee taahirik tan baaxok ayrô-mawqa le kabut raaqa cuduuduk xabba haanamaay, baaxo edde idiyya 'ta cuduud fanah gufta. Xexxaarah Israayil kedoodak inki kedoh yeceen baaxoh gide akkele.

Yacedkel 48:21

Yallih Qibaadah Qari kee seekah yontocowwe arac kee Leewih yooboke marah yeceen baaxo kee, tonnah kaadu, magaala elle tan aracak, ayrô-mawqa kee ayrô-culma le kabut raqta exxa baaxoh-abbah im akkele. Kay baaxo deesen aroocak ayrô-mawqat raqta baaxoh cuduud fan gufeleeh; ayrô-culma le kabuk kaadu Maditraaniyah badah amma 'yaanam akkele. Tonnah kaadu, kilbat le kabuk Yuuda deqsitta kedoh yeexegen baaxot cuduuduh raaqeleeh, gabbi-qaxak kaadu Benyam deqsitta kedoh yeexegen baaxot cuduuduh raaqele.

Hosiqa 3:5

Tohuk lakal Israayil mari YALLAY ken Dagelta kinni kee ken malikih yen Dawuduk rade amoytih fan edde yaduuroonu waan wakti amaatele. Too saaku YALLIH meysi xagarat keenik gaceleeh; YALLIH maqaane geelon» iyye.

Miika 5:2

YALLI iyyeemih, «Beetlacam Efratey, Yuudâ-rasul tan magaaloolik inkih qunxa magaala kinnito. Takkay immay Israayil ummat xiinisu waa abba ku addak ayyaaqeyyo. Kay samad dumaak ugteeh, dumî-dabaanaak migaq-gexxo le marak ten» iyye.

Zakariyya 13:7

YALLAY Nabaamak Nabahiyya iyyeemih, «Seefow, ama illi loynay yoh taamitahiyyat rad. Seefow, kaa qid; illi fixixele. Qunxa illit qeebi abeyyo.

Zakariyya 13:9

Too maray saaboh raaqu waahiyya yakke mara keenik able'gidih, dahab kee lakqo girat elle yasiffiyen innah, girat asiffiyeyyo. Tohuk lakal dooqah gaba yol ruubelon; anu too dooqa keenik oggoleyyo. Yi mara kinnoonum keenih warseyyooh; oson kaadu ‹Atu ni Dagelta kinnito› axcelon» iyye.