Yacedkel 34:12 - NABUWWA KEE MALIKWA

¹² Illit duwah yan num baye illi gorrissa heeh elle gaaboysaah elle dacrisa gurral, anu inni illik kaadu toh abeyyo. Kaxxa dite le baatih ayro edde sugen baatik ken gacseyyo.

Yacedkel 34:12 ပူးပေါင်းရင်းမြစ်များ

Yasaqya 40:11

Illit dacayrih yan loyni, isi illi elle dacrisa'nnal, YALLI isi mara dacrisa. Illi-xaylo gabal quukah, aliilit xabba haah beya. Xale illi xuwaw luk beya» 'yaanam axcuk keenih waris.

Yasaqya 50:10

YALLAK meysitaah, kay-naqasih-yab yaabbe maraw, diteh yan aracal ifu sinnuk gexxan way, Yalla eemenaay kibaal YALLAL haysita.

Yasaqya 56:8

YALLI Israayilik fixixeh suge mara ittah gacsa. Kaay Mulki le iyyeemih, «Kaadu gersi maray keenit yangalu waahiyya baaheyyo» 'yaanamah xagna cule.

Ermiyaas 13:16

Laqô-bar siinil radaah dite elle radde qaleelah bagul tandafoofoleenimik dumal, YALLAY sin Dagelta kinnihiyya eyneba! Isin faxxan ifih aftok baaxo kaxxa dite siinil takkeemik dumal, kaa eyneba.

Ermiyaas 23:3

«Inni maray baatik saaboh raaqehiyya away fixixih elle abbixe baaxok gacseyyooh, elle yooboken baaxo fan ken gacseyyo. Ken gacsek lakal, isinni baaxol mango xaylo xaleloonuuh andarrelon.

Ermiyaas 31:10

Baaxoh ummatey, YALLI siinik iyyam ankacisa. Usuk iyyam badak afal yan xer baaxoh marah warisa. Isi mara fixixih elle yabbixe baaxok gaaboysele. Illit duwah yan num duwah edde yan illi elle duwa'nnal, ken duweleeh ken dacrisele.

Ermiyaas 31:8

Kilbat le kabuk ken baaheyyo; baaxô-maggaraqak ken gaaboyseyyo. Inti-maleela kee iba-maleelaay, xalay edde xayyoowe agabu kee xalaayal lacawat yan agbih agantah amaatelon. Manguk andabbelon.

Ermiyaas 33:12

YALLAY Nabaamak Nabahiyya kaadu qagseh iyyemii, «Ta baaxoy a saaku bacari tekkeeh, num kee lac elle deedaltam tableenihiyyal, ahak sarra lac elle yaloole qayso aabukele. Wadar kee illit duwah yan mari cayiseh ken orbisele.

Yacedkel 30:3

Intaamah, ‹Umaane edde takke ayro xayih. YALLIH abto edde tamballayu wayta ayro xayih; baadal tan ummatta gadaama edde tabbaxu waytaah, qamburre baaxo edde buultu wayta ayro xayih.

Yacedkel 32:7

Koo bayisu waa saaku, qaran kee cutuukal dite qideyyo. Ayro qamburrek darret gacele. Alsa ifu cabele.

Xafanya 1:15

Too ayro Yalli bagcarritu waa ayrooy, ummat gadaama kee cisab yabbaxu waa ayro. Too ayro baaxo abur edde takku wayta ayrooy, finqi edde yabbaxu waa ayro. Too ayro baaxol data qamburreey gaanibiy kaxxa dite le radele.

Zakariyya 10:3

YALLI iyyeemih, «Yi marih amol reeda leh yan allahih-baaxoh mara anqibeeh, ken digaalu waah an. Yuudâ mari yi mara. Ken amo dacrissu waytam yoo. Tah abtu waytam, yoo YALLAY Nabaamak Nabahiyya. Carbi farasay maqar le yoh akkelon.

Zakariyya 9:16

Illi dacrisa loyni saq alak elle cata innal, YALLAY ken Dageltah yani isi mara isih iyye ayro wonnal catele. Kay mari kay baaxol jawharatak bicsen kalabtah innah ifele.