Yacedkel 33:31 - NABUWWA KEE MALIKWA

³¹ Yi mari atu keenik intaamih ankacsah kol kobxan; elle daffeyan. Takkay immay atu aba keenik intam maaban. Atu edde yabta yab kicnoonum ceelan. Takkay immay lon inti-xeera macaban.

Yacedkel 33:31 ပူးပေါင်းရင်းမြစ်များ

Qedra 4:14

Nanu ku amrih gubat yan mara kinnuk, qaybik koo qidaanam mafanxa. Tonna-leemik a warkat koh rubnah nan.

Yasaqya 28:13

Tahak wadir YALLIH qangaray keenih yacee, tonnal akkele: «Annah abaay wonnah kaadu aba; Naharsi amril gersi amri osisa; Away tu aba, sarra tu osisa» 'yaanam axcuk ken amrisele. Tonnal too qangara too saaku ken beyak, deerih ken qidele. Mudduumelon; oflot radelon; mudduumelon; ken abbixelon.

Yasaqya 29:13

Yalli iyyamaa, «A mari afak yoo yaynabem ceela'mmay, afqado keenik yoo matassanabba. Oson yot aban qibaada yi garil hebeltô-maqna mali. Diinih loonum, sahda teyyeeqe madqa kee abuk-raqtih luk sugen qaada.

Yasaqya 42:20

Israayil ummatey, mangom tubleeni'mmay tubleenimit cubbi mahanniton. Edde taabboonuh ayti litoonu'mmay taabbeenim manton.»

Ermiyaas 12:2

Yi Dageltaw, caxah innah atu ken daabisseeh; oson kaadu ragid baahen. Caxa saadda waqdi xaylo elle xalta'nnal, dadlaanaah xaylo xalan. Kulli way migaq kok ugsaanah immay, niya koo fan malon.

Ermiyaas 42:21

Ta saaku YALLAY ni Dageltah yanihiyya siinik iyyem siinih warsah ani'mmay, cintaanah tanin.

Ermiyaas 44:16

«YALLI yoh warse akak inta yaabay taway neh warisak sugtehiyya kok cinneh!

Yacedkel 14:1

Israayil idoolak tu'baxa yakke mari Yallih yab yoo esseraana'gidih, yol yemeeteenih foocal yok daffeen.

Yacedkel 22:13

«Yarusalaamey, sahdat abta bukko kee qidiyyah abeh an naqabuk gexxaamah, gaba kol heeyyo.

Yacedkel 22:27

Israayil abbobti, barugi amol tongoorowe suulay mariiy kabuk akak yakmeh innah abitan. Gita maleh gaddalitaanamih fayxih sahda qidan.

Yacedkel 8:1

Seewah nee edde been laceyhaytô-sanatak laceyhaytoh alsak konoyhaytoh ayrot, Yuudâ-baaxol yok kaxxih seewah been idoola lih, inni buxah addal malâ daffeynat an waqdi, Mulki le Dageltih qande garcik yol obte.