Yacedkel 33:28 - NABUWWA KEE MALIKWA

²⁸ Inkih yan rasu num sinniih lac sinni abur abeyyo. Oson kaxxam edde akkaluk sugen qande keenik bayseyyo. Ken qaleela dibuh yan aracay sahdayti gitah gace waa abeyyo.

Yacedkel 33:28 ပူးပေါင်းရင်းမြစ်များ

2 Aydaad 36:21

Nabi Ermiyaas iyyem tonnal tunguddube. Too nabi ah keenit akkelem duma keenih warseh suge. Iyyeemihii, «A baaxol malcina-tabanih sanatah num dabaaqah elle magacaay, baaxo affoofele» 'yaanam iyyeh yen. Tonna leemiik abak suge ween affoofiyyi yanguddube'gidih, baaxo taamak toffoofe.

Yasaqya 41:15

Caffa darok edde meexan af le birtay qusbahiyya sin abeyyo; qaleela aggiggilettoonuuh bututtukku heetton. Koomaami bullaaqeh gacsetton.

Yasaqya 6:11

Too waqdi anu kaak exceemih, «YALLAW, ah magide fan sugtu waytaamaay?» exce. Too waqdi usuk yok iyyeemih, «Magaalooli inkih abuuruh raqqaay foyya tikka intam fanah akkuk sugeleeh, tonnah kaadu, qarwa sinaamak foyyah raqqaay baaxol sugtem inkih bayya intam fanah akkuk sugele.

Ermiyaas 16:16

Kaadu qagseh iyyeemih, «Mango kullum-tabbaxo ken tabbixe'gidih keenit ruubeyyo. Mango admo-abeynit ken tabbixe'gidih keenit ruubeyyo. Too mari qaleelah amot ken macabaay, koomah amot ken macabaay, gablah addat ken macabaay forqot ken macabaanay, ken selelon.

Ermiyaas 18:16

A baaxo akak meysitan baaxo akkele. Teetit tekkem yabalu waa mari ken sabbatah tet burtele. Gitah teetik xaqu gaceh gexu waa mari ah yable waqdi wariggitele. Ahamal qagabsiteloonuuh, namma xabanal gaba hayya heenih ‹A baaxot tekkem, gibdiimik tanih tan!› axcelon.

Ermiyaas 25:11

Inkih yan rasu abuuruy sahda elle deedalta abeyyo. Baabelon-malikih gabat iysibixe baaxooxa, malcina-tabanih sanat Baabelon xintoh gubat gacele.

Ermiyaas 44:2

«Keenik intaamah, ‹Yoo YALLAY Nabaamak Nabah, Israayil doore Dagelta kinnihiyya, Yarusalaam-magaalal oobise bala kee, raqqa 'te Yuudâ-magaaloolil ruube bala isinnih tubleenih. A saaku woo arac num kee lac sinni abuuruh yan.

Ermiyaas 44:22

A saaku sin baaxo abuuruh raqteeh num teetil mayanam matablaanaa? A saaku tet yable mari akak nadaamitah inna le. Titta abaara mari, ‹Woo magaaloolit tekkem siinit takkay› iyyaanaah, abaaroh tet haysiten. Toh akah tekkem maca siinit celtaah? Isin abak sugten makri kee uma-taamay YALLI xiqe waahiyya, tohuh, siinit tekkem ixiga.

Ermiyaas 44:6

Tonna leemiik kaxxa naqbi yot heeh; too naqbi Yuudâ-magaalooli kee Yarusalaam bayseeh; ta saaku akah tablen innah, num sinniih lac sinni abuuruh raqte› keenik inxic.

Ermiyaas 52:27

Ribla deqsita arac elle geytimam, Camat rasu. Tokke ken baahen saaku, malik ken qidsiiseh. Yuudâ mara seewah elle beenim tonnak ten.

Ermiyaas 9:10

Too waqdi anu exceemih, «Qaleelah rookitah an. Niqmatak ten baaxoy lacah muquk tenehiyyat gira ruuben. Too baaxoh weeqah an. Woo baaxo a saaku kafteeh sahda magexxa. Safarah woo gita gaca mari mayana. Laahi anay a saaku elle mayantaabba; kimbir kee dubaali akak yeerreh» 'yaanam exce.

Ermiyaas 9:11

YALLI yok iyyemii, «Yarusalaam yiddigille abur abeyyo. Wakri dabaq tet abeyyo. Yuudâ-magaalooli abuuruy num sinniih lac sinnihiyya abeyyo» 'yaanam iyye.

Yacedkel 12:20

Away ummat kibuk elle tan magaalooli abur akkele. Inkih tan baaxo num sinniih lac sinni bacari akkele. YALLA kinniyom yok taaxigoonu waytaanam, too saaku, keenik inxic» yok iyye.

Yacedkel 15:8

Yol luk sugen imaan cabeeniih; tonna-leemiik baaxo keenik abur abeyyo. Tahat yabtam yoo YALLAY Mulki lehiyya» iyye.

Yacedkel 24:21

Israayil marak intaamah, ‹YALLAY Mulki lehiyya siinik iyyaamah: Ama yi Qibaadah-Qarit kaxxam takkaleeniih intih wagittaanam siinit meqeeh, kaa fan gexxaanam kaxxam kicintoonuh immay, yooy YALLAH yani ama qari nadaasa abba heeleeh; too magaalal raqta say xaylo kee lab xaylo siinik seefit ambaxele.

Yacedkel 33:29

Oson aben dambih, ken digaalu waah baaxo keenik bacari abu waa saaku, YALLA kinniyom yok aaxigelon› » iyye.

Yacedkel 36:4

Tonna-leemiik dariifal yan mari elle anqaasaah buuben qaleelaay koomaamiiy, daqooruuy, gololwa kee abuuruh raqte aroocaay, tonnah kaadu, abur aben magaalooliy, takkeenimiik, yoo YALLAY Mulki lehiyya siinik axcem oobbeya.

Yacedkel 5:14

Yarusalaam abuuruh cabeyyooh; dariifal siinik tan baaxoh ummat sin garik gitah gacteh gexxa waqdi, burah af siinil raqeeqiseloonuuh; siinil maxayyoowan.

Yacedkel 6:14

Gaba keenil qideyyooh baaxo keenik bayseyyo. Gabbi-qaxat raqta bacarih tan baaxok xabba haanamaay Ribla deqsita aracay kilbat le kabut raaqahiyyah amma 'yaanam, abuuruh tan baaxoy num sinniih lac sinni abeyyo. Israayil mari elle yan baaxok tu macabay inkih bayseyyo. Ummat too waqdi anu YALLA kinniyom yoh aaxigelon» yok iyye.

Yacedkel 7:24

Kaxxa umeynitih yan mara siinit ruubeyyooh; too mari buxaaxi siinik nagrele. Isin qibaada elle abtan arooca nadaasa abu waa mara siinit ruubu waa waqdi, siinik qande le mari elle kaxxiinitem gaba kalele.

Miika 7:13

Takkay immay too baaxooxa, teetil suge marih uma-taamak gexxaamah, bacari akkele.

Xafanya 1:2

YALLI iyyeemih, «A baaxoh bagul enna 'tam inkih bayseyyo.