Yacedkel 33:25 - NABUWWA KEE MALIKWA

²⁵ Tonna'mmay keenik intaamah, ‹YALLAY Mulki lehiyya siinik iyyaamah, Isin qabal akak tif iyya cado takmen. Xeet kee cooxuk bicsen duyye taqbuden. Sahda qiddan. Hay, tonnal, ta baaxo sinim akkelem mannal siinit celtaa?

Yacedkel 33:25 ပူးပေါင်းရင်းမြစ်များ

Ermiyaas 7:15

Duma Efrayimih yooboke maray sin toobokoh yanihiyyak akah abe'nnah, inni foocak sin kaleyyo. Tahat yabtam yoo YALLA kinni» 'yaanam siinik iyye.

Ermiyaas 7:21

Toh too tiya. Tohuk kalah YALLAY Nabaamak Nabah, Israayil doore Dagelta kinnihiyya siinik iyyaamah, «Ama abtan sadgat, cado akak carrisan sadgatat osissa haysitay, isinnih ottokommeya.

Yacedkel 18:12

masaakiina yudlumeeh, sahda buubeeh, abuuduh tu kaak bee num damaanatah kaal cabem gacse weeh, gabat bicsen duyyey Yalla 'yeenih yaqbudeenihiyyah qibaadah heen arooca gexeeh, duyye yuqbudeeh,

Yacedkel 18:15

Israayil mari yaqbude duyyey gabat bicseenihiyya aqbude weeh, woo duyyeh qibaadah heen aroocal yasguuden saqih cado akme weeh, marin agabut fido faxe weeh,

Yacedkel 18:6

Israayil mari yaqbude xeet kee cooxuk bicsen duyye mayaqbuda. Woo duyye elle yaqbudeeni'gidih heen aroocal, sadgatah yusguuden saqih cado mayakma. Marin agabut fido mafaxa; wasaktut tan barrat fido mafaxa.

Yacedkel 22:27

Israayil abbobti, barugi amol tongoorowe suulay mariiy kabuk akak yakmeh innah abitan. Gita maleh gaddalitaanamih fayxih sahda qidan.

Yacedkel 22:3

Teetik intaamah: YALLAY Mulki lehiyya kok iyyaamah, ‹Isi marak mangom qiddeeh; xeet kee cooxuk bicsen duyyeh qibaadat isi nabsi nadaasa abteemih sabbatah, edde baatu wayta wakti xayyooweh.

Yacedkel 22:6

Israayil abbobtiy ku addal tanihiyya, abbootan loonum isinnik abaluk, ummat qidan.

Yacedkel 22:9

Yarusalaamey, ku addal yan marak garab, sahda qidsiisa'gidih diraabat yaaba. Marak garab kaadu xeet kee cooxuk bicsen duyyeh sadgatah qiden saqih cado yakmen. Marak garab dalwah abtot agxita.

Yacedkel 36:18

Isinni baaxoh addal, sahdat abak sugen qidiyya kee, xeet kee cooxuk bicsen duyyeeyah aban qibaadah sabbatah, yi naqbi le'nna yabloonay ken exce.

Yacedkel 9:9

YALLI too waqdi yok iyyeemih, «Israayil kee Yuudâ-mari kaxxam gibdi dambi baaheeh; rasul ummat annaak qidaanam baaheeh; Yarusalaam baatilik dabaq aben. Yi giddinaamak, ‹YALLI ahaysa ni baaxo cabeh ikkal, nee mayabla› iyyan.