Yacedkel 33:15 - NABUWWA KEE MALIKWA

¹⁵ Masalan, sahda abuuduh duyye kaak beyte saaku, damaanatah luk raaqe duyyey kaak been duyye kaah gacseenik sarra luk raaqehiyya gacse kaa tekkek, hinnay kaadu, garqoh sahdak bee duyye gacseeh, uma-taama cabba heeh mano akak geyu waa xinto kataate kaa tekkek, tonnal marabay; rabi cokmi kaal mayamaatay qumri kaak raagah.

Yacedkel 33:15 ပူးပေါင်းရင်းမြစ်များ

Yacedkel 18:12

masaakiina yudlumeeh, sahda buubeeh, abuuduh tu kaak bee num damaanatah kaal cabem gacse weeh, gabat bicsen duyyey Yalla 'yeenih yaqbudeenihiyyah qibaadah heen arooca gexeeh, duyye yuqbudeeh,

Yacedkel 18:16

faxe num adlume weeh, faxe numih duyye buube weeh, abuuduh tu kaak le mari damaanatah kaal cabe duyye woo abuuduh been duyye kaah gacsan waqdi gacseeh, satqita mara yoskomeeh, qarrada mara sarseeh,

Yacedkel 18:7

Sahda maduquurusa. Marin cakki mabeya. Lakqo abuuduh sinaamah yecee waqdi damaanatah luk raaqa duyye, abuuduh been duyye kaah gacsan waqdi, beeh suge duyye gacsa. Satqita mara yaskameeh, qarrade mara sarsah.

Yacedkel 20:11

Duuduse num waar akak geya'gidih, amri keenil oobiseeh, xintoh haysitoonu waan madqa keenih ruube.

Yacedkel 20:13

Keenih tu gactek, bacarih tan baaxol sugen saaku kinni-way, anu aba keenik axcem cinak sugen. Yi amri kee yi xintoy duuduse marah waar teceehiyya cinak sugen. Sabti ayro xaguraanam inkinnah cineenih sugen. Tonna-leemiik too saaku yi naqbi le'nna ken aybulleem faxxa heeh, too bacarih tan baaxol elle ken baysam faxeh suge.

Yacedkel 20:21

«Takkay immay ken xaylo kaadu yi yab cinaanam bahte. Yi amri kee yi xintoy duuduse numuh waar teceehiyya cineenih. Sabti ayro nadaasa aben. Too saaku kaadu woo bacarih tan baaxol inni naqabu keenil oobiseh ken baysam faxe.

Qaamus 2:8

Yi qibaada elle aban aracal mago tagdiyu teffere masaakiinak damaanatah been sartanal xiinih gacan. Yooy ken Dagelta kinnihiyya elle yaqbuden qaril, mago edde lon marak magoh aftok meklah been kamriy qinabak bicseeni yaaquben.